ترامپین قدس قرارینا آغ ائودن تپکی

"بو قرار قیسا وعده‌ده باش آغری‌سی یاراداجاق آنجاق اوزون وعده‌ده (پروسه‌یه) یاردیم‌چی اولاجاغینی اومود ائدیریک"

ترامپین قدس قرارینا آغ ائودن تپکی

آغ ائوده‌ن بعضی یئتکیلیلرین، آمریکا باشقانی دونالد ترامپ‌ین قدسو "ایسراییل‌ین باشکندی" اولاراق تانیما قرارینین، ایسراییل ایله فلسطین آراسین‌داکی باریش پروسه‌سینه ان آزین‌دان یاخین پرسپکتیوده اؤنم‌لی ضررلر وئرجیینی قبول ائتدیگی بیلدیریلدی.

آمریکا سی‌ان‌ان کانالینا دانیشان و آدلارینین آچیقلانماسینی ایسته‌مه‌یه‌ن ایکی آغ ائو یئتکی‌لی‌سی، ترامپین قدس قرارینین بؤلگه‌ده یاراداجاغی منفی هاوایا دقت چکدی.

اورتادوغو باریش پروسه‌سینه دایر دگرلن‌دیرمه‌سین‌ده یئتکیلیلردن بیری،

"سوره‌جین، اومود ائدیریک کی گئچیجی بیر مدت، ریل‌دن چیخماسینا حاضیرلیق‌لی‌ییق. آرخایینا‌م کی، بو، موقتی بیر سوره‌ اولاجاق‌دیر" دئدی.

آمریکا پرزیدنتینین اورتادوغو باریش پروسه‌سی ایله ایلگیلنن اکیبین ترامپین چیخیشین‌دان سونرا فلسطین‌لی مخاطبلری ایله هله گؤروشمه‌دیگینی سؤیله‌یه‌ن یئتکی‌لی، قدس قرارینین محتمل بیر ایسراییل-فلسطین آنلاشما‌سین‌دن اول آچیقلانماسینین، سونرادان دویورولماسینا گؤره آنلاشمایا داها آز ضرر وئره‌جگینین دوشونولدویونو بیلدیردی.

باشقا یئتکی‌لی ایسه "بو قرار قیسا وعده‌ده باش آغری‌سی یاراداجاق آنجاق اوزون وعده‌ده (پروسه‌یه) یاردیم‌چی اولاجاغینی اومود ائدیریک" دگرلندیرمه‌سینی وئردی.

یئتکیلیلرین سؤزوگئدن آچیقلامالارینین، آغ ائوین ترامپین قدس قرارینین آردین‌دان اورتادوغو باریش پروسه‌سینین ضرر گؤرجیینی قبول ائتمه‌سی باخیمین‌دان اؤن‌م‌لی اولدوغو قید ائدیلدی.

آمریکانین قدسو "ایسراییلین باشکندی" اولاراق تانیدیغینی دونن اعلان ائد‌ن ترامپ ایسه بونون گئجیکمیش و ایکی اؤلکه آراسین‌دا باریش پروسه‌سینه مثبت قاتقی وئره‌جک بیر قرار اولدوغونو ادعا ائتمیشدی.

ترامپ، دونن آغ ائوده وئردیگی آچیقلاما ایله قدسو "ایسراییلین باشکندی" اولاراق تانیدیغینی و تل آویوده‌کی آمریکا ائلچیلیگینین قدسا داشینماسی اوچون حاضرلیقلارین باشلانماسی گؤستریشی وئردیگینی ایفاده ائتمیشدی.


اتیکتلر: قدس , ترامپ

ایلگیلی‌لی خبرلر