ایسراییلین باشکندی اولاراق تانیدیغینی اعلان ائدجک

"باشقان، تل آویوده‌کی آمریکا ائلچیلیگینین قدسه داشینماسی حاضرلیقلاری اوچون گؤستریش وئردیگینی سؤیله‌یه‌جک"

ایسراییلین باشکندی اولاراق تانیدیغینی اعلان ائدجک

آغ ائو، آمریکا باشقانی دونالد ترامپین، قدسو ایسراییلین باشکندی اولاراق تانیدیغینی اعلان ائدجیینی بیلدیردی.

مسئله‌یه دایر آچیقلاما،

"باشقان، تل آویوده‌کی آمریکا ائلچیلیگینین قدسه داشینماسی حاضرلیقلاری اوچون گؤستریش وئردیگینی سؤیله‌یه‌جک" دئییلدی.

آغ ائوده‌ن یوکسک سویه‌لی ۳ یئتکی‌لی، ترامپین بو گون وئره‌جگی قدس آچیقلاماسینب مطبوعات نماینده‌لرینه تله‌کنفرانس یولو ایله دگرلندیردی.

آدلاری آچیقلانمایان یوکسک سویه‌لی یئتکیلیلردن ایلکی،

"باشقان، آمریکانین قدسو ایسراییلین پباشکندی کیمی تانیدیغینی اعلان ائده‌جک. باشقان آیریجا خاریجی ایشلر باخانلیغینا، تل آویوده‌کی آمریکا ائلچیلییگنین قدسا داشینماسی حاضرلیقلارینا باشلاماسی گؤستریشی وئردیگینی ده آچیقلایاجاق. آنجاق بو، داشینمانین همن یارین اولاجاغی آنلامینا گلمیر، اونسوز دا عمل‌ده ده ائلچی‌لیگی همن داشیماق ممکن دئییل" دئدی.

یئتکی‌لی،

"باشقانین گؤروشو، قدسون هم ایسراییلین تاریخی معنادا باشکندی اولدوغو، هم ده ایسراییلین بیر چوخ یؤنتیم اورگانینین حاضردا قدس‌دا اولدوغو گرچگینی تانیماق‌دیر" یورومونو وئردی.

تل آویوده‌کی ائلچیلیگین قدسا داشینماسی اوچون گرک‌لی حاضرلیقلارین خاریجی ایشلر باخانلیغی ایله بیرگه باشلایاجاغینی دا دیله گتیره‌ن یئتکی‌لی،

"تل آویوده‌کی ائلچیلیک‌ده تخمیناً مین پرسنل چالیشیر. اونلاری بو گون قدسا آپاراجاغیمیز هر هانسی بیر یئرلشکه یوخ‌دور. بو یئری تاپماق، گوونلیک قایغیلارینی آرادان قالدیرماق و بینا اینشا ائتمک واخت آلاجاق" دئدی.

دیگر طرف‌دن، یئتکی‌لی، بو قرارین، آمریکانین فلسطین ایله ایسراییل آراسین‌داکی سرحد مسئله‌لرین‌ده و دیگر مسئله‌لرده مؤوجود سیاستینده بیر دییشیک‌لیک آنلامینا گلمه‌دیگینی ده وورغولادی.

دیگر بیر یئتکی‌لی ایسه ترامپین هله ده ایکی دؤولت‌لی حل مسئله‌سین‌ده و ایسراییل ایله فلسطین آراسین‌دا بیر باریش انلاشماسینا وارما نقطه‌سین‌ده اومودلو اولدوغونو بیلدیردی.

دیگر یئتکی‌لی ایسه دوغو قدس‌دا‌کی بللی بعضی بؤلگه‌لرین هله ده "ایشغال ائدیلمیش فلسطین تورپاقلاری" کیمی دگرلندیریلدیگینی وورغولایاراق،

"باشقانین بو قراری، سؤزوگئدن یارغیسال مسئله‌لرله باغلی بیر دییشیک‌لیک تکلیف ائتمیر. پرزیدنتین قراری اگمن‌لیک سرحدلرینی ائتکیله‌یه‌جک بیر قرار دئییل. بوتون بو مسئله‌لر، مذاکیره پروسه‌سین‌ده دارتیشما‌لی قونولاردیر " دئدی.

آمریکا رهبرلیگینین، ۱۹۹۵ده‌کی قدس ائلچیلیک قانونونا گؤره ایسراییلین باشکندی تل آویوده‌کی ائلچیلیگینی قدسا داشیماسی نظرده توتولوردو. آنجاق سؤزوگئدن قانون ۲۲ ایل‌دیر، بیل کلینتون، جورج بوش و باراک اوبامانین باشقانلیق دؤورلرین‌ده هر ۶ آیدا بیر "میلی گوونلیک" گرکجه‌سی ایله ارته‌لنیردی.


اتیکتلر: ترامپ , اسراییل , قدس

ایلگیلی‌لی خبرلر