باشباخانا پیچاقلی سوءقصد

اینگیلتره باشباخانی ترزا میه بومبالی و پیچاق‌لی سوء قصد حاضرلیغی ایچینده اولدوغو ادعا ائدیلن بیر نفر یاخالاندی.

اینگیلیس دؤولت یایین قورولوشو بی‌بی‌سی‌نین خبرینه گؤره، ۲۰ یاش‌لی نعیم ذکریا رحمان آدلی شبهه‌لی، اؤتن هفته باشباخانین افیسینین یئرلشدیگی داونینگ ایستریت‌ده بومبالی سالدیری حاضیرلیغیندا یاخالاندی.

رحمانین، داونینگ ایستریتی‌ قورویان قاپیلارا بومبالی سالدیری تشکیل ائدجگی، سونرا باشباخان میی پیچاقلایاراق اؤلدورمه‌یی پلانلاشدیردیغی ادعا ائدیلیر.

ترورلا مباریزه اکیب‌لرینین ۲۸ نوامبردا گئچیردیگی عملیات‌دا گؤزآلتینا آلینان رحمان و ۲۱ یاش‌لی دیگر شبهه‌لی محمد عقیب عمرانین بو گون محکمه‌یه چیخاریلماسی گؤزلنیلیر.

اینگیلتره ایچ استخبارات تشکیلاتی ام‌آی۵ باشقانی اندریو پارکر، مارس آیین‌دان بو یانا اؤلکه‌ده ۹ ترور ائیلمینین قارشی‌سینین آلیندیغینی، ترور تهدیدینین داها اؤنجه گؤرولمه‌میش بیر اؤلچوده و سرعتله بؤیودویونو ادعا ائتمیشدی.

اینگیلتره‌ده بو ایل ایلکی ۲۲ مارس‌دا اولماق اوزره اتومبیللی، پیچاق‌لی و بومبالی ۵ ترور ائیلمی باش وئررکن، توپلامدا ۳۶ نفر حیاتینی ایتیردی. سالدیریلاردان بیرین‌ده ده تراویح نامازین‌دان چیخان مسجید جماعتی هدف آلیندی.