جا سونگ نام: آمریکانین گونئی کوره ایله بیرگه مانور‌لارین نوکلئر ساواش تهدیدینی آرتیریر

جا، آنتونیو گوترزه گؤندردیگی مکتوبدا، آمریکانین سون اولا‌راق اوچ اوچاق گمی‌سی قاتیلدیغی بیرگه مانور‌لارین کوره یاریماداسیندا گرگین‌لیگی آرتیرا‌راق، آدادا "ایندییه قدرکی ان پیس وضعیته" سبب اولدوغونو بیلدیریب

جا سونگ نام: آمریکانین گونئی کوره ایله بیرگه مانور‌لارین نوکلئر ساواش تهدیدینی آرتیریر

قوزئی کوره‌نین بیرلشمیش میللت‌لر (بمت) دایمی نماینده‌سی جا سونگ نام، آمریکانین گونئی کوره ایله کئچیردیگی بیرگه مانور‌لارین نوکلئر ساواش تهدیدینی آرتیردیغی خبردارلیغی ائتدی.

جا، بمت باش کاتیبی آنتونیو گوترزه گؤندردیگی مکتوبدا، آمریکانین سون اولا‌راق اوچ اوچاق گمی‌سی قاتیلدیغی بیرگه مانور‌لارین کوره یاریماداسیندا گرگین‌لیگی آرتیرا‌راق، آدادا "ایندییه قدرکی ان پیس وضعیته" سبب اولدوغونو بیلدیریب.

آمریکانین سویوق ساواش دؤورون‌دکی نوکلئر قابیلیت‌لی B-52 ایستراتژی بومباردمان اوچاق‌لارینی یئنی‌دن حرکته کئچیردیگینی ایفاده ائدن جا، جنوبی کوره ایله کئچیردیگی بیرگه مانور‌لارین دا نوکلئر ساواش تهدیدینی آرتیردیغی خبردارلیق ائتدی.

جا، آمریکانین آرا وئرمه‌دن ایل بویو کئچیردیگی نوکلئر ساواش مانور‌لاری و بؤهتان‌لاری‌نین قوزئی کوره‌نین "سئچدیگی یولون دوغرو اولدوغونو گؤستردیگینی و سونا قدر بو یولدا داوام ائده‌جک‌لرینی" قید ائتدی.

کوره یاریماداسی اطرافیندا باشلایان و جنوبی کوره‌دان 7 ساواش گمی‌سی ایله آمریکا دونانما USS نایمیتز، USS تئودور روزولت، USS رونالد ریگان آدلی اوچ اوچاق گمی‌سی و 11 ساواش گمی‌سی‌نین قاتیلدیغی مانورین، 14 نوابرا قدر داوام ائدجگی آچیقلانمیشدی



ایلگیلی‌لی خبرلر