5 مین آراکانلی موسلمان بنگلادش سرحدینده محاصیرهده قالیب
سؤزچوسو خان، 25 آوقوستدان بو یانا بنگلادشه سیغینان آراکانلی موسلمان ساییسینین 605 مینه چاتدیغینی بیلدیریب
بیرلشمیش میللتلر تشکیلاتینین قاچقینلار عالی کومیسارلیغی سؤزچوسو دونیا آسلام خان، میانمارداکی شیدت حادثهلریندن قاچماغا چالیشان تخمینن 5 مین آراکانلی موسلمانین بنگلادش سرحدینده محاصیرهده قالدیغینی سؤیلهدی.
سؤزچوسو خان، 25 آوقوستدان بو یانا بنگلادشه سیغینان آراکانلی موسلمان ساییسینین 605 مینه چاتدیغینی بیلدیریب.
سون گونلرده بنگلادشین کوکس بازار شهریندکی دوشرگهلره گلن قاچقین ساییسیندا آزالما باش وئردیگینی ایفاده ائدن خان، "سرحدین میانمار طرفینده 5 مینه یاخین آراکانلی موسلمانین مخصیرهده قالدیغی بیلگیسینه نایل اولموشوق". دئدی.
خان، آراکانین ایالتیندکی شیدت حادثهلریندن قاچماغا چالیشان قاچقینلارین قایق تاپمادیقلاری اوچون چایین بنگلادش یاخاسینا کئچمهدیگینی بیلدیردی.
بمت-نین ژنو اوفیسیندکی مطبوعات کونفرانسیندا دانیشان اولوسلار آراسی گؤچمن تشکیلاتی (IOM) سؤزچوسو ژوئل میلمان ایسه 25 آوقوستدان اوّل بنگلادشه گلن قاچقینلارلا بیرلیکده بو اؤلکهدکی دوشرگهلردکی آراکانلی موسلمان ساییسینین 817 مینه چاتدیغینی بیلدیریب.
میلمان، اولوسلار آراسی گؤچمن تشکیلاتینین تخمینن 395 مین عائلهیه اؤز سیغیناجاقلارینی قورماق اوچون تجهیزات یاردیمی گؤستردیگینی بیلدیریب.
بمت-نین دونیا ارزاق پروقرامینین (WFP) سؤزچوسو بتینا لوشر ده ایجلاسدا سؤز آلاراق "آراکانین شمالیندا ارزاق یاردیم عملیاتلارینی یئنیدن باشلاماسی اوچون WFPYE یاشیل ایشیق یاندیریلدی. میانما حکومتی دئتاللاری کووردیناسیون ائتمک اوچون بیرلیکده چالیشیریق". آچیقلاماسیندا وئریب.
لوشر، بؤلگهدکی موسلمان آزینلیغا قارشی اینسانی یاردیملاری یئنیدن باشلامالاری اوچون هله بیر تقویم معین ائتمدیکلرینی، آیرینتیلارین میانمار حکومتی ایله آپاریلان دانیشیقلاردان سونرا اورتایا چیخاجاغینی قید ائدیب
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب