اینگیلتره‌نین آوروپا بیرلیگی ایله موذاکیره‌لرین 5ینجی تورو باشا چاتیب

بازار ارته‌سی گونو باشلایان دانیشیق‌لارین باشا چاتماسی‌نین آردیندان آوروپا بیرلیگی کومیسیونونون بریکسیت باش موذاکیره‌جی-سی میشعل بارنیرو اینگیلتره‌نین بریکسیت ناظیری دیوید داویس مطبوعاتا بیانات‌لار وئردی

اینگیلتره‌نین آوروپا بیرلیگی ایله موذاکیره‌لرین 5ینجی تورو باشا چاتیب

اینگیلتره‌نین آوروپا بیرلیگیندن آیریلماسینا (بریکسیت) ایلیشکین موذاکیره‌لرین 5ینجی تورو باشا چاتیب.

بازار ارته‌سی گونو باشلایان دانیشیق‌لارین باشا چاتماسی‌نین آردیندان آوروپا بیرلیگی کومیسیونونون بریکسیت باش موذاکیره‌جی-سی میشعل بارنیرو اینگیلتره‌نین بریکسیت ناظیری دیوید داویس مطبوعاتا بیانات‌لار وئردی.

اینگیلتره باش ناظیری ترازا می‌ین کئچن آی فلورنسیادا ائتدیگی صحبتین دانیشیق‌لارا سرعت وئره‌جگینی بیل‌دیرن بارنیر،

آنجاق" بونا باخمایا‌راق 5ینجی تور دانیشیق‌لاریندا بؤیوک آددیم‌لار آتمادی". دئدی.

گلن هفته کئچیریله‌جک آوروپا بیرلیگی شوراسی‌نین ایجلاسینداندا، نوبتی آددیما کئچمک اوچون یئترلی ایرلیلییش قید ائدیلمدیگینی دئیه‌جگینی وورغولایان بارنیر،

سیاسی" ایراده ایله لازیمی ایرلیلییشی آنجاق ایکی ایچینده الده ائده بیله‌جگیمیزی حساب ائدیرم". دئیه دانیشدی.

مالی موقاویله باره‌ده اینگیلتره‌نین فینانسال مسئولیت‌لرینه دایر دقیق بیر آچیقلاما وئرمدیگی اوچون موذاکیره‌لرده یالنیز تکنیکی مسئله‌لره دقت یئتیردیک‌لرینه دقتی چکن بارنیر، آوروپا بیرلیگی‌نین 28 عضوونون اوزرینه دوشن مالی مسئولیت‌لری یئنه 28 عضوونون بیرلیکده یئرینه یئتیرمه‌سی‌نین واجیب اولدوغونو خاطیرلادیب.

بارنیر، "موذاکیره‌لر چیخمازا گیردی. بو چوخ ناراحات ائدیجی. بیز اینگیلتره‌نین تعویض وئرمه‌سینی گؤزلمیریک". ایفاده‌لرینی ایستیفاده ائتدی.

اینگیلتره‌نین بریکسیت ناظیری دیویس ایسه موذاکیره‌لرین باشلادیغی ژوئن آیین‌دان بری طرف‌لرین اهمیت‌لی ایرلیلییش قید ائتدیگی‌نین گؤزاردی ائدیلممه‌سی لازیم اولدوغونو ایفاده ائتدی.

اینگیلتره‌نین موذاکیره‌لرده "پراگماتیک" موضع توتدوغونو دئین دیویس "گله‌جک حاقیندا دانیشماغیمیز لازیم. بیز گله‌جگیمیزی موذاکیره ائدجگیمیز گؤروشمه‌لر اوچون حاضیریق". قیمتلندیرمه‌سینده اولوب.



ایلگیلی‌لی خبرلر