اندونزی حکومتی، آراکانلی موسلمان‌لارینا 34 تونلوق کؤمک وسایلی گؤندردی

میانمار اوردوسو، 25 آوقوست‌دان بو یانا سیلاح‌لی میلیتان‌لارلا دؤیوشمه سببیله آراکانداکی سیویل‌لره ایستیقامت‌لی سالدیری‌لاردا مین‌لرله موسلمان اؤلدو

اندونزی حکومتی، آراکانلی موسلمان‌لارینا 34 تونلوق کؤمک وسایلی گؤندردی

اندونزی حکومتی، میانمار قیرغینلاریندان‌ بنگلادشه قاچان آراکانلی موسلمان‌لارینا 34 تونلوق کؤمک وسایلی گؤندردی.

اندونزی دولت باشقانلیغی سؤزچوسو یوهان بودی، بنگلادش‌دکی آراکان‌لی سیغینماجی‌لارا یئتیشدیرمک عذره 34 تونلوق ایلک یاردیم وسایلی‌نین اندونزی سیلاح‌لی گوجلرینه (TNI) عاید هرکولس آدلی نیظامی تییاره یولا چیخدیغینی بیلدیریب.

بودی، بنگلادشین چیتاگونگ بؤلگه‌سینه جمعه آخشامی گونو چاتماسی گؤزلنیلن کؤمک وسایل‌لری‌نین چادیر، سو تانکی، قیدا و تمیزلیک محصول‌لاری کیمی تمل اینسانی احتیاج‌لاری احتیوا ائتدیگینی ایفاده ائتدی.

وضعیتین عاجل اولماسی سببیله کؤمک وسایل‌لرینی هاوا یولو ایله گؤندردیک‌لرینی ایفاده ائدن اندونزی پرزیدنتی ژوکو ویدودو دا بو ایلک یاردیما علاوه اولا‌راق گله‌جک هفته ده وسایل گؤندره‌جک‌لرینی و یاردیم‌لارین مرحله‌لی شکیلده داوام ائدجگینی قید ائتدی.

میانمار اوردوسو، 25 آوقوست‌دان بو یانا سیلاح‌لی میلیتان‌لارلا دؤیوشمه سببیله آراکانداکی سیویل‌لره ایستیقامت‌لی سالدیری‌لاردا مین‌لرله موسلمان اؤلدو. میانمار حکومتی بؤلگه‌یه گیریش و چیخیشا ایجازه وئرمدیگی اوچون اؤلدورولن سیویل ساییسی‌نین تام اولا‌راق تعیین ائدیله بیلمیر.

سالدیری اثناسیندا 150-دن چوخ کند اوردو و بودیست میللتچی‌لری طرفیندن یاندیریلدی. اون مین‌لرله آراکانلی موسلمان‌لاری هله ده امنیتی سببیله بؤلگه‌دن اوزاقلاشماغا چالیشیرلار. میانماردان قاچان سیویل‌لر داغ‌لیق بؤلگه‌لردن، ناف چایی و دنیزدن بنگلادشه گئده‌جک‌لر.



ایلگیلی‌لی خبرلر