448 محکوم حبسخانادان قاچدی
سو و قیدا کیمی تمل احتیاجلارین یئتری قدر قارشیلانامادیغی حبسخانادا گؤزتچیلرین پیس رفتاری دا محکوملارین قاچماق اوچون هر یولو سیناماسینا سبب اولور
اندونزیده جمعه گونو سوماترا آداسینداکی حبسخانادان قاچان محکوم ساییسینین 448 اولدوغو اورتایا چیخدی.
اندونزی حقوق و اینسان حاقلاری باخانی یاسونا لاولی، سیالانگ بونگکوک حبسخانادان قاچانلارلا ایلگیلی آچیقلاماسیندا،
"جمعه گونکو قاریشیقلیق سیراسیندا 448 محکومون قاچدیغی تعیین اولوندو. اندونزیده ایلک دفعه بو قدر چوخ انسان حبسخانادان قاچمایی باجارابیلدی" دئدی.
لاولی، قاچان محکوملاردان ایندییه قدر 269ونون یاخالاناراق حبسخانایا گؤندریلدیگینی ایفاده ائتدی.
هله ده قاچاق دورومداکی 179 محکومون توتولماسی اوچون ایشلرین داوام ائتدیگینی بیلدیرن لاولی، قاچاقلاری تسلیم اولمایا چاغیردی.
سیالانگ بونگکوک حبسخاناسیندا، 561 نفرلیک توتوما باخمایاراق مین 800 محکوم قالیر.
سو و قیدا کیمی تمل احتیاجلارین یئتری قدر قارشیلانامادیغی حبسخانادا گؤزتچیلرین پیس رفتاری دا محکوملارین قاچماق اوچون هر یولو سیناماسینا سبب اولور.
گئچن هفته حبسخانادا جمعه نامازی اوچون قاپیلارین آچیلماسینین آردیندان پرسنل ایله حؤکملو آراسیندا قاریشیقلیق چیخمیش، بو سیرادا چوخ ساییدا محکوم قاچمیشدی.