"گؤزلریمیز اؤنونده اینسانی بیر فلاکت یاشانیر"
روسیا و ایران طرفیندن دستک گؤرن سوریه رژیمینین سالدیریلارینین شهردکی وضعیتی بیر فلاکته چئویردیگی ایفاده ائدیلدی
"گؤزلریمیز اؤنونده اینسانی بیر فلاکت یاشانیر".
بو ایفاده، کانادا، فرانسا، آلمانیا، ایتالیا و اینگیلتره لیدئرلرینین، سوریهنین حلب شهریندکی وضعیته دایر نیایینلادیغی اورتاق بیلدیریده یئر آلدی.
آغ ائو طرفیندن وئریلن بیلدیریده، روسیا و ایران طرفیندن دستک گؤرن سوریه رژیمینین سالدیریلارینین شهردکی وضعیتی بیر فلاکته چئویردیگی ایفاده ائدیلرکن
"آغلایان اوشاقلارین گؤرونتولری اورک سیخیر" ایفادهسینه یئر وئریلدی.
بؤلگهیه انسانی یاردیملارین دا اسد رژیمی و روسیا طرفیندن انگللندیگی ایفاده ائدیلن بیلدیریده،
"وطنداشلاری و خستهخانالاری بومبالار و شیمیایی سلاحلارلا هدف آلان سوریه رژیمینین سالدیریلارینی ان گوجلو شکیلده قیناییریق" دئییلدی.
حلبده عاجل بیر آتیشکسه احتیاج دویولدوغونا وورغو ائدن لیدئرلر، بیرلشمیش میلتلر تشکیلاتینین سوریهلی مخالیفلر طرفیندن قبول گؤرن تکلیفلرینه اسد رژیمینین ده یاشیل ایشیق یاندیرماسی لازیم اولدوغونو وورغولادی.
اورتاق بیلدیریده، سیاسی چؤزومه یاناشمایان اسد رژیمینین "ساواش سوچلارینین" تعقیب ائدیلهجیی و سوریه رژیمی آدینا چالیشان شخص و قوروملارا علاوه تدبیرلر آلیناجاغی دا ایفاده ائدیلدی.
بیرلشمیش میلتلر تشکیلاتینین امنیت شوراسیندا اؤنجهکی گونکو "حلبده آتیشکس" اویلاماسیندا، روسیا و چین لایحهنی وتو ائتمیشدیلر.
یئرلی قایناقلار، سوریادا اسد رئژیمی و ایران دستکلی شیعه میلیسلرین سیخ هوجومو آلتینداکی شرقی حلبده 15 نویابردان بو یانا اؤلن وطنداش سایینین 845ئ یوکسلدیگینی بیلدیرمیشدی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب