اوکراین بحرانینا سیاسی حلّ
اشتاین مایر، ناظیرلرین آنلاشما ساغلاما موضوعلاری دولت و حکومت باشقانلاری اله آلا‌جاق‌لارینی وورغولادی آنجاق آیرینتی وئرمه‌دی
اوکراین بحرانینا سیاسی حلّ
آلمان خاریجی ایشلر ناظیری اشتاین مایر، اوکراین‌داکی بحرانا سیاسی حل تاپماغی مقصد قویان دانیشیق‌لاردا، "بعضی نقطه‌لرده" ایره‌لیلمه تامین ائتدیک‌لرینی آچیقلادی.
اشتاین مایر، برلینه ایکینجی دفعه دعوت ائتدیگی روسیا خاریجی ایشلر ناظیری سئرگی لاوروف، اوکراین خاریجی ایشلر ناظیری پاولو کلیمکین و فرانسا خاریجی ایشلر ناظیری لاورنت فابیوس ایله خاریجی ایشلر ناظیرلیگی کونوکئوی ویلا بورسیگده بیر آرایا گلدی.
تخمینن 5 ساعات داوام ائدن ییغینجاغین آردین‌دان مطبوعات منسوب‌لارینا آچیقلاما وئرن اشتاین مایر، گؤروشون اولدوقجا چتین کئچدیگینی قید ائتدی. آلمان ناظیر، "بعضی موضوعلاردا ایره‌لیلمه ساغلادیغیمیزا اینانیرام، بونو اومید ائدیرم" دئیه دانیشدی.
اشتاین مایر، ناظیرلرین آنلاشما ساغلاما موضوعلاری دولت و حکومت باشقانلاری اله آلا‌جاق‌لارینی وورغولادی آنجاق آیرینتی وئرمه‌دی.
دیپلوماتیک قایناق‌لار، دانیشیق‌لارین داوام ائدیب ائتمه یه‌جگی‌نین بو گون یا دا چرشنبه آخشامی گونو دقیق‌لیک قازاناجاغینی وئرمیش‌دیر.
اشتاین مایر، 2 ژوئن‌ده ده فرانسا، روسیا و اوکراین خاریجی ایشلر ناظیرلرینی برلینه دعوت ائتمیش، گؤروشون آردین‌دان اوکراین‌دا آتشکه‌سین تامین ائدیلمه‌سی اوچون بیرگه بیانات یایینلانمیشدی. معلوماتدا، آتشکس هدفیله دانیشیق‌لارین باشلاماسی، بوتون گیروو‌لارین سربست بوراخیلماسی، اوکراین-روسیا سرحدینده قاچاق کئچیش‌لری مانع تؤردیلمه‌سی اوچون ایداره‌لرین آرتیریلماسی و ژورنالیست‌لرین گوونلیگی‌نین تامین ائدیلمه‌سی چاغیریشیندا بولونولموش آنجاق بو تدبیرلرین بؤیوک حیسه‌سی حیاتا گئچیریلممیشدی.
