ت.ر.ت خبر

"ت.ر.ت" خبر

 

 

هدفلر

 

"ت.ر.ت"نین خبرلر پروقرامی خالقین اؤلکه‌ده و دونیادا یارانمیش اقتصادی، علمی، تکنیکی، هنری و مدنی فعالیتلر باره‌ده دوغرو، یئترلی و بیر او قدر ده تئز معلومات آلماسینی،

پلورالیست دموکراسی، حقوقون اوستونلویو پرینسیپینه اویغون اولا‌راق اجتماعیتین دوز خبر آلماسینی، ساغلام و ارکین (آزاد) بیر روحلا یئتیشمه‌سینی، دموکراتیک بیر توپلومدا پلورالیزمین تأکیدینی،

تارتیشمالارین و مختلف فیکیرلرین سؤیلنمه‌سینه امکان وئرن گونجل مؤضوعلاردا مختلف شکیلده یوروملانان پروبلملرده خالقین هر شئیین دوزونو اؤیرنمه‌سینی آماجلامیشدیر.

 

خبرچیلیگین اساسلاری

 

خبرلری و حادثه‌لری ان تئز شکیلده و دوز چاتدیرماق. گرکیرسه داخیلده‌کی و تورکیه‌نی ماراقلاندیران خارجده‌کی حادثه‌لر حاقیندا او ساحه‌ده متخصص اولان شخص و یا شخصلرین یورومونا امکان یاراتماق.

تورکیه جمهوریتی‌نین میلّی آنلاشما و عدالت آنلاییشی ایله انسان حاقلارینا حؤرمت ائدن، دموکراتیک، لاییک و اجتماعی بیر حقوق دؤلتی ایماژینی محکملندیرن فیکیرلری اطرافلی شکیلده چاتدیرماق.

تورکیه‌ده، تورک دؤلت و توپلولوقلاریندا، او جمله‌دن دونیادا یارانان حادثه‌لری خبر بولتنلرینده معاصر یاییمچیلیق آنلاییشی ایله طرفسیز شکیلده خالقا چاتدیرماق. اؤنملی حادثه‌لرین آیرینتیلی بیچیمده یوروملانماسینا امکان یارا‌دان خبر پروقراملاری حاضیرلاماق. توپلومدا یانلیش آنلاشیلمالارا سبب اولا‌جاق، اونلاری تحریک ائده‌بیله‌جک خبرلردن و خبر پروقراملاریندان‌ اوزاقدا قالماق.

خبر بولتنلرینی و خبر پروقراملارینی قانونلار چرچیوه‌سینده، آنا یاسایا (اساس قانونا) اویغون شکیلده، قوروملار و تشکیلاتلار آراسیندا هر هانسی فرق قویما‌دان طرفسیزلیک، دوغرولوق اساسلاری داخیلینده ان تئز شکیلده، امکانلار چرچیوه‌سینده رادیو اوچون آیری، تلویزیون اوچون ده آیری حاضیرلاماق.

دؤلتین سیاسی، اقتصادی و اجتماعی ساحه‌ده گؤردویو ایشلر باره‌ده وطنداشلارین گؤروشونو یانسیدان فیکیرلرین خبرلر واسطه‌سیله سسلنمه‌سینه امکان ساغلاماق.

اولوسلار آراسی خبر قوروملاری ایله ایلیشکیلر یارادیب گلیشدیررکن، خارجدن یاییلان خبرلرین یئرلی آژانسلار و "ت.ر.ت"نین اؤز قایناقلاری طرفیندن اونایلانماسینا (تصدیقلنمه‌سینه) چالیشماق. خبرلری، خبر آژانسلاریندان گلدیگی کیمی یوخ، چاغداش خبرچیلیگین ده اساسینی اولوشدوران دگرلندیرمه ایله سونماق.

"ت.ر.ت"نین خبر بولتنلرینده، آیریجا خبر پروقراملاریندا تورکیه‌نین و دونیانین بوتونویله ایلگیلی یا دا دونیا اجتماعیتی‌نین ماراغینی جلب ائدن حادثه‌لری توپلوما طرفسیز شکیلده چاتدیرماق.

خبر بولتنلرینده و خبر پروقراملاریندا یاییم آپاراتی‌نین اؤزللیگینه اویغون شکیلده سونوم (تقدیمات) متودلاری حیاتا گئچیره‌رک، خبر بولتنلرینده اؤنجه‌دن آلینمیش بیلگیلر اوزرینه موخبیرلرین جانلی شکیلده خبرین یاراندیغی یئردن چاتدیردیغی بیلگیلرین بیرباشا یایینا بوراخیلماسینی تأمین ائتمک. خبرلری تلویزیون اکرانیندا کادر، سس، شکیل و آنیماسیوندان یارارلاناراق چاتدیرماق. قونو (موضوع) ایله ایلگیسی اولمایان کادرلاری گؤسترمه‌مک. آرشیو ماتریاللاری‌نین ایشله‌دیلمه‌سینده ده "آرشیو" سؤزوندن کسینلیکله فایدالانماق.

خبرلری سونارکن یوروملارا و دگرلندیرمه‌لره دایما مراجعت ائتمک. خبر بولتنلرینده حاضیردا و گله‌جکده اولوسلار آراسی ایلیشکیلره ضرر وئره‌بیله‌جک سیاسی و ایدئولوژیک یوروملار آپارماماق، خبر و یوروملارین قایناقلاری‌نین بیلدیریلمه‌سینه هر زامان دقت ائتمک.

چوخ آز شخصی ایلگیلندیرن، یا دا هرهانسی بیر بؤلگه‌نی ماراقلاندیران اؤزول قویما (تمل آتما)، بینانین آچیلیشینی یاپما، دیپلوما وئرمه کیمی مؤضولارا حصر اولونموش خبرلری ده ایلگیلی کوتله‌لری نظره آلا‌راق حاضیرلاماق. آبارتیلمیش (شیشیردیلمیش) پروتوکول خبرچی‌لیگی سویه‌سیندن اوزاقدا قالماق.

سیاسی خبرلرده و خبر پروقراملاریندا همیشه طرفسیزلیک، دوزلوک و گونجللیگه حساسیتله اویماق. سیاسی پارتیلرین بیلدیریلری‌نین اؤزتلنمه‌سینده (خلاصه لشدیریلمه‌سینده) بیلدیلرین آماجی و اصل مرامی‌نین ایتمه‌سینه امکان یاراتماماق.

تک طرفلی و طرف ساخلایان یاییملاردان اوزاق دورماق. بیر سیاسی پارتی‌نین، بیر قروپون، بیر چئوره‌نین، بیر اینامین و یا فیکرین چیخارلارینا آراجی اولماماق. محکمه‌لر طرفیندن کسین (قطعی) قرارا یئتیشیلمه‌دیگی مدتجه هئچ کسی سوچلاماماق، آدینی یایماماق.

سیاسی، اقتصادی و اجتماعی ساحه‌ده گؤرولن ایشلر باره‌ده خالقین تپکیسینی (رئاکسیونونو) اؤیرنمک و توپلومون بیلگیسینه سونماغا چالیشماق. مصاحبه‌لر، ییغینجاقلار تشکیل ائتمک.

"ت.ر.ت" خبرلری باره‌ده داها آرتیق معلومات اوچونباخ:

www.trthaber.com