ایران‌دا اینستاگراما گیریش انگلی

"بو آندا بو پلاتفورما دگیریش انگلی گتیرمک اوچون لازیم‌ اولان محکمه قراری وار"

ایران‌دا اینستاگراما گیریش انگلی

ایران یارغی‌سی، سوسیال مئدیا شبکه‌سی اینستاگراما گیریشه انگل گتیرمه قراری آلدی.

ایران باش ساوجی یاردیمچیسی جواد جاویدنیا، یارغی‌نین اینستاگراما گیریشه انگل قراری آلدیغینی آنجاق هله اویقولانمادیغینی سؤیله‌دی. جاویدنیا، حکومتین سؤز قونوسو شبکه‌نین مضمونونو عاغیل‌لی فیلترله‌مه ایستیفاده ائد‌رک قیسیتلاما سؤزو وئردیگینی آنجاق یوکسک خرجلره باخمایاراق نتیجه آلینابیلمه‌دیگینی ایفاده ائتدی.

 باش ساوجی یاردیمچیسی جاویدنیا، "بو آندا بو پلاتفورما دگیریش انگلی گتیرمک اوچون لازیم‌ اولان محکمه قراری وار. سایبری عالم یوکسک شوراسینین اکثریتینین فیکری ده بو شبکه‌نین باغلانیلماسی یولوندا" دئدی.

جاویدنیا، سایبری عالم یوکسک شوراسینین آیین‌نامه‌سینه گؤره، اؤلکه‌ده اینستاگرام اوچون تاسیس ائدیلن اینترنت ترافیک حجمینین آشیلدیغینی و اینستاگرامین اؤلکه‌ده فعالیت گؤسترمه‌سی اوچون حکومت طرفین‌دن وئریلمه‌سی لازیم اولان ایجازه‌لرین چیخاریلمادیغینی ایفاده ائتدی.

 جاویدنیا، "شورا یؤنتمه‌لیگینه رعایت ائدیلمه‌دیگی اوچون محکمه تک طرف‌لی آددیم آتابیلر آنجاق بو ساحه‌ده اورتاق بیر آنلاییشین میدانا گلمه‌سینی گؤزله‌ییریک. گؤزله‌مه‌نین فایداسی اولمادیغینی گؤردوگوموزده ایران باش ساوجیلیغی لازیم اولان آددیمی آتاجاق" ایفاده‌سینی ایشلتدی.

 



ایلگیلی‌لی خبرلر