تورکیهیه پاتریوت ساتیشینا اونای
"تورکیه، هاوا و موشک ساوونما قابیلیتینی اینکیشاف ائتدیرمک، تورپاق بوتؤولویونو ساوونماق و بؤلگهسل تهدیدلرین قارشیسینی آلماق اوچون پاتریوتلاردان ایستیفاده ائدجکدیر"
آمریکا بیرلشیک دؤولتلری خاریجی ایشلر باخانلیغی، ۳.۵ میلیارد دلار دگریندهکی پاتریوت هاوا و موشک ساوونما سیستملرینین تورکیهیه ساتیشینا اونای وئردی.
آمریکا ساوونما باخانلیغینا (پنتاگون) باغلی ساوونما گوونلیک امکداشلیق آژانسی، سؤز قونوسو ساتیشین اونایلانماسینا دایر یازیلی آچیقلاما وئردی.
آچیقلامادا، "خاریجی ایشلر باخانلیغی تخمینی ۳.۵ میلیارد دلار دگرینده ۸۰ امآیام-۱۰۴ای گودومو یوکسلدیلمیش پاتریوت موشکی، ۶۰ ایرلی قابیلیت پاتریوت-۳ (پاک-۳) موشکی و ایلگیلی تجهیزات ساتیشینی تصدیق ائتمهیه قرار وئردی. ساوونما تهلوکهسیزلیک امکداشلیق آژانسی، بو ساتیش مسئلهسینده بو گون کنگرهنی بیلگلندیردی" ایفادهلرینه یئر وئریلدی.
بوندان باشقا، سؤزوگئدن ساوونما سیستمی پاکتینه ۴ ایان/امکیوپی-۶۵ رادار ستی، ۴ کیلیدلهنمه کنترل سیستمی، ۱۰ آنتن دیرک قروپلاری، ۲۰ ام۹۰۳ آتما مرکزی، ۵ الکتریک مرکزینین یانی سیرا، رابطه تجهیزاتی، تست جیهازلاری، منزیل(برد) پروگراملاری و دستک تجهیزاتینین دا داخیل اولدوغو ایفاده ائدیلدی.
ساتیشین تصدیق اولونماسینین، تورکیهنین هاوا ساوونما قابیلیتینه اؤنملی چئویکلیک قازاندیراجاغی ایفاده ائدیلهن آچیقلامادا، "هاوا و موشک تهدیدلری ایله باشقا سالدیریلاری داشیندیرما قابیلیتینه صاحب گوونلی بیرتورکیه، ناتو و آوروپا قارهسینده باریش و ثابتلیگی تامین ائدجکدیر" دئییلدی.
آمریکا خاریجی ایشلر باخانلیغیندان بیر یئتکیلی ایسه مسئله ایله باغلی بو ایفادهلری ایشلتدی:
"تورکیه، هاوا و موشک ساوونما قابیلیتینی اینکیشاف ائتدیرمک، تورپاق بوتؤولویونو ساوونماق و بؤلگهسل تهدیدلرین قارشیسینی آلماق اوچون پاتریوتلاردان ایستیفاده ائدجکدیر. تکلیف اولونان ساتیش، تورک اوردوسونون، دوشمنجه سالدیریلارا قارشی قورونما و تورکیهنین سرحدلری ایچینده اولان ناتو متفیقلرینی قوروما مقصدلی ساوونما قابیلیتلرینی آرتیراجاقدیر".
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی