۷۰۰ مین ایللیک حیوان قالیقلاری تاپیلدی

تنبل حیوانین تخمیناً ۷۰۰ مین ایل اؤنجه یاشادیغی تخمین ائدیلیر

۷۰۰ مین ایللیک حیوان قالیقلاری تاپیلدی

گونئی آمریکا اؤلکه‌سی آرژانتینده ۷۰۰ مین ایللیک تنبل حیوان قالیقلاری تاپیلدی.

ژنرال آلوارادو بلدیه‌سین‌دن وئریلن یازی‌لی آچیقلامایا گؤره، آرژانتینین میرامار شهرینه باغلی ژنرال آلوارادو بؤلگه‌سین‌ده بیر عائله، گزینتییه چیخدیقلاری مار دل سور دنیزی ساحلین‌ده تنبل حیوان قالیغینا راستلادی.

پالوجینو عائله‌سی، کایالار اوزرین‌ده یئریرکه‌ن قالیقلارین دقتلرینی چکمه‌سینین آردین‌دان میرامار پونتا هرمنگو موزه‌سینه خبر وئردی.

آپاریلان ایلکین اینجه‌لمه‌لره گؤره، علمی آدی "سلیدوتریوم" اولان و بد‌نینین چنه بؤلومو تاپیلان تنبل حیوانین تخمیناً ۷۰۰ مین ایل اؤنجه یاشادیغی تخمین ائدیلیر.

سلیدوتریوم تنبل حیوانلارینین بیر تونو آشان اولدوقجا بؤیوک بیر بد‌نه صاحب اولمالارینین یانی سیرا اوزون کله قورولوشلاری دقت چکیر.

بؤیوک پنجه‌لری ایله تورپاقدا بؤیوک چوخورلار آچاراق یاشادیغی دوشونوله‌ن تنبل حیوانلارین، بوئنوس آیرس ایالتینین ساحللرین‌ده‌کی بؤیوک اویوقلاری دا آچدیقلاری تخمین ائدیلیر.



ایلگیلی‌لی خبرلر