بیلیم اینسانی یوخا چیخدی

ایتن بیلیم اینسانی ژنلری ایله اوینانمیش ایلک اکیز قیز کؤرپه‌لرین بو آی دونیایا گلدیگینی ادعا ائتمیشدی

بیلیم اینسانی یوخا چیخدی

چین‌ده، کؤرپه‌لرین ژنتیکینی دییشدیردیگی ادعاسی ایله گوند‌مه گلن بیلیم اینسانی هی جینکوی‌نین، چالیشما‌سی حاقین‌دا معلومات وئردیگی کنفرانس‌دان سونرا ایتدیگی ادعا ائدیلدی.

جینکوی، لابراتور اوشاغی معالیجه‌سی گؤره‌ن ۷ ار آروادین امبریونلارینین دی‌ان‌ای‌لریندن ژن دوزنله‌مه اوصولو ایله دییشیک‌لیک ائتدیگینی، ژنلری ایله اوینانمیش ایلک اکیز قیز کؤرپه‌لرین بو آی دونیایا گلدیگینی ادعا ائتمیشدی.

ای‌بی‌سی نیوزون هنگ کنگ قزئتی "اپل دیلی"یه دایاندیردیغی خبرین‌ده، جینکویون گئچن هفته، هنگ کنگ اؤزل اداری بؤلگه‌سینده ایشتیراک ائتدیگی اینسان ژنومونون دوزنله‌مه‌سی ایکینجی اولوسلارآراسی ذیروه‌سین‌ده چالیشما‌سی ایله باغلی سونومونون آردین‌دان بیر داها گؤرولمه‌دیگی و هارادا اولدوغونون بیلینمه‌دیگی قید اولوندو.

جینکویون گؤز آلتین‌دا شینجین شهرینه آپاریلمیش اولابیله‌جگی ایر‌لی سورولرکه‌ن، چالیشدیغی گونئی بیلیم و تکنولوژی اونیورسیته‌سیk یئرلشکه‌سین‌ده "ائو حبسین‌ده" ساخلانیلیر اولابیله‌جگی ده ادعا ائدیلدی.

اونیورسیته‌دن بیر سؤزچو، اوخولون هی جینکوی ایله باغلی بو آن اوچون هر هان‌ی بیر سوالا جاواب وئرمه‌دیگینی بیلدیره‌رک، جینکویون هارادا اولدوغو حاقین‌دا شایعه‌لرله باغلی یوروم وئرمه‌دی.

چین بیلم و تکنولوژی باخانی شو نانپینگ، ۲۹ نوامبردا دؤولت تلویزیونونا وئردیگی آچیقلامادا، "بو آی باشین‌دا دوغولان اکیز قیز کؤرپه‌لرین ژنتیکینین دییشدیریلمه‌سینه یاردیم‌چی اولدوغو ادعا ائدیله‌ن آراشدیرما لابراتورونون فعالیتینین آسقییا آلیندیغینی" بیلدیرمیشدی.

باخانلیغین اینسان ژنین‌ده دییشیک‌لیک ائدیلمه‌سینه قطعی شکیلده قارشی اولدوغونو بیلدیره‌ن شو، اکیبین ائیلملرینی "قانون‌سوز و قبول ائدیلمز" اولاراق دگرلندیره‌رک، بو باره‌ده سوروشدورما آچیلماسی گؤستریشی وئردیگینی ایفاده ائتمیشدی.

چین میلی ساغلیق کومیسیونو، ۲۷ نوامبردا، ادعالار اوزرین‌ده سوروشدورما باشلاتمیشدی.

ژنتیک دییشیک‌لیک ادعاسی بیلیم دونیاسین‌دا دا تپکیلره یول آچمیشدی.

دونیا ساغلیق هؤرگوتوندن، ۳ دسامبردا، چین‌ده بیر بیلیم اینسانینین "کؤرپه‌لرین ژنتیکینی دییشدیردیگی" ادعاسینین آردین‌دان "ژن دوزنله‌مه‌لرینی" آراشدیرماق اوچون بیر هیات تشکیل ائدیله‌جگی بیلدیریلمیشدی.

ژنتیکی دییشدیریلن اوشاقلارین هارادا اولدوغو و عائله‌لرینین کیملر اولدوغو بیلینمیر.


اتیکتلر: بیلیم انسانی , ژن , چین

ایلگیلی‌لی خبرلر