ان کیچیک دایناسورون آیاق ایزلری
بویو بیر سانتیمتر اولان آیاق ایزلرینین ایندییه قدر تاپیلان دایناسور آیاق ایزلرینین ان کیچیی اولدوغو قید ائدیلدی
گونئی کرهده دونیانین ان کیچیک دایناسور آیاق ایزلری کشف ائدیلدی.
"ساینتیفیک رپورتس" درگیسینده یاییملانان راپورا گؤره، گونئی کرهنین ژینو بؤلگهسینده ۱۱۰ میلیون ایل اول یاشادیغی تخمین ائدیلن بیر دایناسورا عاید آیاق ایزلری کشف ائدیلدی.
بویو بیر سانتیمتر اولان آیاق ایزلرینین ایندییه قدر تاپیلان دایناسور آیاق ایزلرینین ان کیچیی اولدوغو قید ائدیلدی.
آراشدیرماچیلاردان تونی رومیلیو، دایناسورون ییرتیجی قوش (راپتور) فامیلیاسیندان اولدوغونو بیلدیردی.
قوشلارا چوخ بنزهین بو نؤوعون آیاغیندا ییرتیجی قوشلارداکی کیمی ۳ پنجهیه بنزر بارماقلار وار.
بو دایناسور نؤوعو یئریرکن بارماقلارینین یالنیز ایکیسی یئره دیرکن، بیر بارماغینین دا سالدیری آنیندا درحال تپکی وئرمک اوچون هاوادا قالدیغی ایفاده ائدیلیر.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی