اردوغان: تورکیه‌ ده قبول ائتمه‌یه‌جک

"دونیانین هئچ بیر دموکراتیک اؤلکه‌سین‌ده ترور تبلیغاتی ائتمک، فیکیر و دوشونجه اؤزگورلوگو اولاراق قبول ائدیلمیر"

اردوغان: تورکیه‌ ده قبول ائتمه‌یه‌جک

جمهورباشقانی رجب طیب اردوغان، تورکیه‌نین بؤلگه‌سل مسئله‌لره مداخیله ائد‌ن، بقاسی اوچون گرکلی هر جور تدبیری تطبیق ائد‌ن بیر اؤلکه اولدوغونو دئدی.

اردوغان، دونن کایسئری ارجیئس اونیوئرسیته‌سی آکادمیک ایل آچیلیش مراسیمین‌ده دانیشدی.

۱۵ ژوئیه ۲۰۱۶ دؤولت چئوریلیشی گیریشیمی سونراسین‌دا حیاتا گکئچیریله‌ن تدبیرلرین، اونیوئرسیته‌لرین ترور سئویجیلریندن آریندیرلماسینا قاتقی وئردیگینی بیلدیره‌ن اردوغان، هئچ بیر مدنی دؤولتین ترورون اونیورسیته‌لرده مایالانماسینا ایمکان وئرمه‌یه‌جگینی وورغولادی.

اردوغان، دونیانین هئچ بیر دموکراتیک اؤلکه‌سین‌ده ترور تبلیغاتی ائتمه‌نین، فیکیر و دوشونجه اؤزگورلوگو اولاراق قبول ائدیلمدیگینی، تورکیه‌نین ده قبول ائتمه‌یه‌جگینی ایفاده ائتدی.

هر ساحه‌ده اولدوغو کیمی اونیوئرسیته‌لرده ده تک تیپچیلیگه قارشی اولدوقلارینی بیلدیره‌ن پرزیدنت اردوغان، اجتماعی فرقلرین اونیوئرسیته‌لره یانسیماسینا چوخ بؤیوک اؤنم وئردیکلرینی دئدی.

تورکیه‌نین بؤلگه‌سین‌ده آپاردیغی ترور عملیاتلارینی دا دیرلندیره‌ن اردوغان، "سوریه‌دن عراقا قدر بؤلگه‌سل مسئله‌لره مداخیله ائد‌ن، بقاسی اوچون لازیم اولان هر جور تدبیری تطبیق ائد‌ن بیر اؤلکه‌ییک و ماساداییق، عینی زامان‌دا ساحه‌ده‌ییک. نه ماسانی، نه ساحه‌نی بیرلرینه بوراخاراق بو مباریزه داوام ائتدیریله‌بیلمز" دئدی.

پرزیدنت اردوغان، آچیلیشی ائدیله‌ن اثرلرین خیرلی اولماسینی دیله‌دی، اونیوئرسیته‌نین منسوبلاری و اؤیرنجی‌لره یئنی آکادمیک ایلده اوغورلار آرزولادی.



ایلگیلی‌لی خبرلر