تورک هلیکوپتری ایلک اوچوشونو ائتدی

ت۶۲۵ هلیکوپتری، چتین ایقلیم و جغرافیالاردا، یوکسک ارتفاع و یوکسک ایستیلیکده، گئجه و گوندوز شرطلرین‌ده ائتکین شکیل‌ده چالیشابیلر‌

تورک هلیکوپتری ایلک اوچوشونو ائتدی

میللی قایناقلارلا گلیشدیریلن ایلک هلیکوپتر "ت۶۲۵ عمومی مقصد هلیکوپتر" ایلک اوچوشونو ائتدی.

ساوونما صنایعی باشقانی اسماعیل دمیر، تامامیله میللی قایناقلارلا گلیشدیریله‌ن ایلک هلیکوپترین ایلک اوچوشونون خیرلی اولماسینی دیله‌دی.

ت۶۲۵ هلیکوپتری، چتین ایقلیم و جغرافیالاردا، یوکسک ارتفاع و یوکسک ایستیلیکده، گئجه و گوندوز شرطلرین‌ده ائتکین شکیل‌ده چالیشابیلر‌.

هلیکوپتر، گئنیش وظیفه قابلیتینه صاحب اولماسین‌دان اؤترو داشیما، وی‌آی‌پی، یوک، هاوا آمبولانس، آراما قورتارما و ساحل اؤته‌سی داشیما وظیفه‌لرینی ایجرا ائده‌بیلیر.

۲ اکیپ و ۱۲ یولچو توتوملو ت۶۲۵ عمومی مقصد هلیکوپترینین سری اورتیمینه ۲۰۲۱.جی ایلده گئچیلمه‌سی نظرده توتولور.

هلیکوپترین، تورک سلاح‌لی گوجلری و دیگر قوروملارین بو ساحه‌ده‌کی احتیاجلارینین اؤزگون بیر پلاتفورملا قارشیلانما‌سی مقصدیله، ساوونما صنایعی باشقانلیغی ایله تورک هاواچیلیق اوزای صنایعی (توساش) طرفین‌دن اورتیلمه‌سینه ۲۰۱۰دا قرار وئریلمیشدی.



ایلگیلی‌لی خبرلر