ساوونمادا میللی پروژه لر (4)

دولت‌لر اؤلکه‌لرینی و وطنداش‌لارینی قوروماق اوچون ساوونما سکتورونا اهمیت‌لی یاتیریم‌لار ائدیرلر. دونیادا گوج بالانس‌لاریندا چکیندیریجی اولماق اوچون ساوونما سرمایه‌لری ائدن اؤنملی اؤلکه‌لردن بیری ده تورکیه‌دیر

ساوونمادا میللی پروژه لر (4)

ساوونمادا میللی پروژه لر (4)

تورک حرب-ایش سندیکاسی تحصیل مودیری تارکان زنگین ین مسئله ایله باغلی قیمتلندیرمه‌سینی تقدیم ائدیریک.

دولت‌لر اؤلکه‌لرینی و وطنداش‌لارینی قوروماق اوچون ساوونما سکتورونا اهمیت‌لی یاتیریم‌لار ائدیرلر. دونیادا گوج بالانس‌لاریندا چکیندیریجی اولماق اوچون ساوونما سرمایه‌لری ائدن اؤنملی اؤلکه‌لردن بیری ده تورکیه‌دیر. تورکیه 2014-جی ایلده ان چوخ نیظامی خرجلمه ائدن ایلک 15 اؤلکه آراسیندا. 2017-جی ایلده ایسه 29 میلیارد تورک لیره سی ساوونما خرجی ائتمیش‌دیر. بو ساوونما خرجی‌نین مرکزی بودجه ایچین‌دکی نیسبتی یوزده 4.62دیر. تورکیه اؤنم‌لی بیر مکاندا یئرلشدیگی اوچون بؤلگه سل ریسک‌لردن تأثیرلنیر. تورکیه عینی زاماندا پ.ک.ک، پ.ی.د/ی.پ.گ، داعش، د.ه.ک.پ-ج و بیر چوخ سیلاح‌لی ترور تشکیلاتی تام یئکون موباریزه ائدیر. بو موباریزه‌لری آپارارکن تکنولوژی نین طلب ائتدیگی ساوونما محصول‌لارینی و سیستم‌لرینی ایستیفاده ائتمک مجبوری حالا گلیر. سون ایللرده ساوونما محصول‌لاری اینکیشافدا اؤنملی آددیم‌لار آتان تورکیه، هر کئچن گون داها یاخشی بیر نقطه‌یه گلیر.

ساوونما صنایع ساحه‌سینده 2004-جی ایلده باشلانیلان میللی و یئرلی محصول مودئلی ایله سکتورداکی یئرلی‌لیک نیسبتی یوزده 20دن بو گون اوزده 65لرین اوزرینه چیخاریلدی. بو یئرلی‌لیک نیسبت‌لری، اینسان‌سیز هاوا واسطه‌لری کیمی چوخ ایستراتژیک محصول‌لاردا یوزده 90لارین اوزرینه چیخاریلدی. بیر چوخ ساوونما محصولوندا دونیادا محصول ائدن بیر نئچه اؤلکه‌دن بیری حالینا گلدیک. مسئلن، کامیکازه اینسان‌سیز هاوا واسطه‌لری (آلپاگو، کارگو) کیمی تانینان محصول‌لاردا دونیادا اوره ته بیلن اوچ اؤلکه‌دن بیری موقعیتیندییک. تورکیه، اینسان‌سیز هاوا واسطه‌سی تکنولوژیلرینده دونیادا هم اوچاق قورغو و سیستم‌لری، هم ده عقل‌لی بومباسی ایله سیلاح‌لی اینسان‌سیز هاوا واسطه‌سی (سیها) گلیشدیریلیب اوره تیلن ایلک 6 اؤلکه آراسینا گیرمیش‌دیر. تورکیه ساوونما صنایعسینده یالنیز اؤز احتیاج‌لاریمیزی اوره تمیریک، عینی زاماندا محصول‌لارینی دوست و موتتفیق اؤلکه‌لره ایخراج ائدیر. بو گون یورد خاریجینه میللی گمی‌لریمیزی، میللی الیمیزی، زیرئه‌لی ماشین‌لار، قارووول‌خانا گمی‌لری، اینسان‌سیز هاوا واسطه‌لری، هاوا ساوونما سیستم‌لری، راکت‌لر، نیظامی خبرلشمه و قوموتان‌لیق نظارت سیستم‌لری ساتان بیر اؤلکه موقعیتینده‌دیر، تورکیه.

تورکیه، 2002-جی ایلده تخمینن 5.5 میلیارد دو‌لار بودجه‌لی 66 ساوونما پروژه‌سی آپارارکن گلدیگیمیز نقطه‌ده ساوونما پروژه‌لری بودجه‌سینی تخمینن 11 دفعه آرتیرا‌راق 60 میلیارد دو‌لارا، ساوونما پروژه ساییسینی دا تخمینن 9 دفعه آرتیرا‌راق 600ون اوزرینده پروژه ایجرا ائدن اؤلکه اولموش‌دور. مسئلن، میللی پیاده توفنگی آرتیق سری محصول مرحله‌سینه گلمیش‌دیر. میللی پیاده الیمیز حاضیردا تورک سیلاحلی گوجلری، ژاندارم و پولیس تشکیلاتی ایله یوکسک سویه‌لی دولت رسمی‌لری‌نین یاخین قوروما‌لاری طرفین‌دن ایستیفاده ائدیلیر. تکجه سون 4 ایل عرضینده 46 عدد بایراقدار TB2 سیلاح‌لی اینسان‌سیز هاوا واسطه‌سی سیستمی ترورلا موباریزه و مرز اؤته سی حرکت‌لرینده تخمینن 60.000 ساعت گؤی‌لرده چیخیش ائتمیش‌دیر.

میللی اویدو‌لر                                                                

تورکیه اویدو‌لار یولویلا کوسموس تجروبه‌سی قازانیب. تورک موهندیس‌لری حاضرلانا‌راق تورکیه‌ده محصول اولونان راسات موشاهیده اویدوی 2011-جی ایلده، گؤکتورک-2 موشاهیده اویدوی 2012-جی ایلده، گؤکتورک-1 موشاهیده اویدوی ایسه 2016-جی ایلده کوسموسا بوراخیلیب و حاضیردا وظیفه‌لرینی اوغور ایله داوام ائتدیریرلر. بو اویدو‌لرین اؤنملی فایدالاریندان‌ بیری ده تورک سیلاح‌لی گوجلری و امنیت گوجلریمیزه کوسموس‌دان گؤرونتولر تقدیم ائده‌رک ترور عملیات‌لارا دستک اولما‌لاری‌دیر. تورکیه بون‌لارا علاوه اویدو سیستم اینتقراسیون و تست (USET) مرکزینی قوردو. 2020ده مدارا یئرلشدیرجگیمیز تورکیه‌نین ایلک میللی خبرلشمه اویدویسو تورکسات 6ا بورادا اینشا ائدیلیر. گؤکتورک-1 اویدوی‌نین داها اوّل آتیلماسی لازیم ایسرائیلین فران‌سیز شیرکته تضییقی سببی ایله انگللنیب. گؤکتورک-1 اویدوینون، گؤکتورک-2 اویدوسو کوسموسا آتیلدیق‌دان 4 ایل سونرا کوسموسا بوراخیلدی. ان بؤیوک مقصدی، هر هانسی بیر محدودیت اولما‌دان دونیا اوزرین‌دکی هر بؤلگه‌دن نیظامی کشفیات مقصدیله یوکسک حل اولونا بیلمه‌لی گؤرونتو الده ائتمک اولان گؤکتورک-1 اویدوسونون کامرا سیستمی و کریتیک الکتو-اوپتیک حیسه‌لرین‌دن بعضی‌لرینی ایسرائیل تداروک ائدیردی. ایسرایل، تورکیه‌نین بئله بیر تکنولوژی قابیلیته مالیک اولماسینی ایستمدیگی اوچون فران‌سیز شیرکتینه باسقی یارادا‌راق اویدونون کوسموسا گؤندریلمه‌سینی انگلله‌ییب. ایسرائیل همچی‌نین گؤکتورک-1 اویدوسونون ایسرائیل اوزرین‌دن کئچرکن گؤرونتو آلماماسینی ایسته‌دی. تورکیه ایسه گؤرونتوده محدودیت اولماماسی‌نین ضمانتینی ایسته‌دی. تورکیه‌نین طلبی رد ائدیلنده تورکیه اؤدمگی دایاندیردی. تورکیه، آوا‌دان‌لیق‌لاری و پروقرام‌لاری تورک موهندیس‌لرینه عایید اولان گؤکتورک-2 اویدوسونو 2012ده چین‌دن فیرلاتینجا شیرکت گئری آددیم آتماق مجبوریتینده قالدی.

صنایع و تکنولوژی ناظیری مصطفی وارانک، تورکیه کوسموس آژانسی‌نین بو ایل عرضینده قورولاجاغینی دئییب. تورکیه کوسموس آژانسی، اؤلکه‌میزده آپاریلان کوسمیک پروژه‌لری‌نین الاقلندیریلمه‌سی، بو پروژه‌لرده چالیشا‌جاق اینسان رئسورسونون حاظیرلانماسی، تورک آستروناوت ایشی‌نین آچیلماسی مسئله‌لرینده فعالیت‌لر آپارا‌جاق. صنایع و تکنولوژی ناظیرلیگی، 100 گونلوک ایجراعات پروقرامیندا آژانسین بو ایل عرضینده قورولاجاغی و تشکیلاتلانما ایشلری‌نین باشا چاتاجاغی بیلدیریلیر. صنایع و تکنولوژی ناظیری وارانک، تورکیه کوسموس آژانسی ایله کوسموس تکنولوژیلری ساحه‌سینده میللی سویه‌ده گؤرولن ایشلرین کووردیناسیونونون تامین اولوناجاغینی و اولوسلار آراسی موناسیبت‌لری آپاراجاغینی ایفاده ائدیر. آژانسین یارادیلماسی بو ساحه‌ده گؤروله‌جک ایشلرین الاقلندیریلمه‌سی اوچون سون درجه اهمیت‌لی‌دیر.

تورک حرب-ایش سندیکاسی تحصیل مودیری تارکان زنگین ین مسئله ایله باغلی قیمتلندیرمه‌سینی تقدیم ائتدیک.



ایلگیلی‌لی خبرلر