قاچان فیسبوک ساختاکاری یاخالاندی

چلیا ائو حبسین‌دن ۲۰۱۵ده عائله‌سی ایله بیرلیک‌ده قاچمیشدی

قاچان فیسبوک ساختاکاری یاخالاندی

فیسبوک سهملرینین یاری‌سینین اؤزونه عاید اولدوغونو ادعا ائدرک ۲۰۱۰.جو ایلده مارک زاکربرگه آچدیغی محکمه‌ده ساختا سندلر سونماقدان دولایی توتوقلانیب محکوم ائدیلدیگی ائو حبسین‌دن قاچان پل چلیا، یاخالاندی.

ساوجیلار، چلیانین محکمه‌یه چیخاریلاجاغینی آچیقلادی.

آمریکا وطنداشی چلیا، فیسبوکون قورولوش مرحله‌سین‌ده زاکربرگه بؤیوک میقداردا پول بورج وئردیگینی ادعا ائتمیش، فیسبوکون اؤز یاردیملاری اولماسا حیاتا گئچیریلمه‌یه‌جک بیر پروژه اولدوغونو ایر‌لی سوره‌رک حاق ادعا ائتمیشدی.

نیویورک‌دا اولان محکمه‌ده، ساختا سندلر سونماقدان دولایی ساختاکارلیقلا سوچلانان چلیا، ۲۰۱۲ده شرطی ائو حبسی جزاسی آلمیشدی. آنجاق، چلیا ائو حبسین‌دن ۲۰۱۵ده عائله‌سی ایله بیرلیک‌ده قاچمیشدی.

زاکربرگ ایسه چلیانی تانیدیغینی آنجاق فیسبوک ایله بیر علاقه‌سی اولمادیغینی ساوونموشدو.



ایلگیلی‌لی خبرلر