کانادادا 23 میلیون ایللیک ایسکلت‌لر تاپیلدی

قازینتی یئرینده، گونوموز آت، پیشیک و کرگدن 23 میلیون ایل اوّلکی قوهوم‌لارینا عایید اولدوغو بیل‌دیریلن ایسکلت‌لر، اوتوواداکی کانادا موزه سین‌دن دانیل فراسر باشقانلیغینداکی بیر قروپ طرفین‌دن کشف ائدیلدی

کانادادا 23 میلیون ایللیک ایسکلت‌لر تاپیلدی

کانادانین، ساسکاچوان  ایالتیندکی بیرقازی یئرینده 23 میلیون ایللیک ممه لی بیر جان‌لی اولدوغو بلیرلنن ایسکلت‌لر اورتایا چیخاریلدی.

گراسلند ناسیونال پارک‌داکی آرکولوژیک قازینتی یئرینده، گونوموز آت، پیشیک و کرگدن 23 میلیون ایل اوّلکی قوهوم‌لارینا عایید اولدوغو بیل‌دیریلن ایسکلت‌لر، اوتوواداکی کانادا موزه سین‌دن دانیل فراسر باشقانلیغینداکی بیر قروپ طرفین‌دن کشف ائدیلدی.

کانادا مطبوعاتینا دانیشان علم هیاتین‌دن دانیل فراسر، "ان آز اوچ فرق‌لی آت ایسکلت‌ نوعونو کشف ائتدیک. بون‌لاردان بیری اورتا بوی بیر ایتین بؤیوکلوگونده. بیر پوما بؤیوک‌لوگونه یاخین پیشیگ ین ایسکلتینی تاپماق‌دان چوخ هیجانلاندیق. بون‌دان باشقا، سیرلی بیر چنه سوموگو ایسکلتی تاپدیق، اما بو بیر ممه‌لی دئییل." دئدی.

ایسکلت‌لرین، 23 میلیون ایل اوّلکی میوسئن دؤورونده عایید اولدوغونو بیل‌دیرن فراسر، "اونلاری کانادادا تاپماق حقیقتن هیجان وئریجی و تعجب‌لودور، چونکی سون بوزلاق دؤورونده میدانا گلن بوزلاق‌لار، بو یاشدا هر شئیی سانکی بیر کنارا ایته‌له‌دی و بو اوزدن بو نوع داشلار کانادادا چوخ نادیردیر." ایفاده‌سینی ایستیفاده ائتدی.

فراسر، بو ایسکلت‌لرین یالنیز ساسکاچوان، آلبرته و دئوون آداسیندا اولدوغونو وورغولایا‌راق، "یقین کی، گلن ایل قاییدا‌جاق و دووشان و گمیریجی کیمی کیچیک ممه‌لی‌لری آختارماغا باشلایاجاغیق. بو ساحه‌دکی ایشلرین تخمینن بیر 10 ایل داها داوام ائتمه‌سینی نظرده توتوروق" دئدی.



ایلگیلی‌لی خبرلر