آمریکا، اوزای اوردوسونو قورور

"اوزایداکی وارلیغیمیز یئتمز، اوزای‌دا حاکمیت قورمالیییق"

آمریکا، اوزای اوردوسونو قورور

آمریکا، اوزای اوردوسونو ۲۰۲۰-جی ایله قدر قوراجاغینی بیلدیردی.

آمریکا باشقان یاردیمچیسی مایک پنس،

"اوزایداکی وارلیغیمیز یئتمز، اوزای‌دا حاکمیت قورمالیییق" دئدی.

پنس، ساوونما باخانلیغی پنتاگون‌دا مطبوعات کنفرانسی دوزنله‌یرک ۲۰۲۰ هدفلرینی آنلاتدی.

پنس، اسکی یؤنتیملر طرفیندن لازم ایلگینی گؤرمه‌دیگینی ایر‌لی سوردویو اوزایین آرتیق بؤیوک و دارتیشما‌لی بیر یئر حالینا گلدیگینی و آمریکانین اوزای‌داکی اوستونلویونو قوروماسی لازیم اولدوغونو سؤیله‌دی.

پنس، آمریکانین حربی گوجونو، اورتایا چیخان تهدیدلره قارشی سرعت‌لی شکیلده اویغونلاشدیردیغینا دقت چکه‌رک،

"سلاح‌لی گوجلریمیزین تاریخین‌ده بیر سونراکی بؤیوک بؤلومو یازماغین واختی گلدی. بیر سونراکی ساواش آلانینا حاضیرلاشماق، اؤلکه‌میز و خالقیمیزا قارشی یئنی نسیل تهدیدلری داشیندیرماق و مغلوب ائتمک اوچون آمریکانین ان یاخشی و ان جسارت‌لیلرینی وظیفه‌یه چاغیرماغین واختی گلدی. آمریکا اوزای گوجلرینی قورماغین زامانی گلدی" ایفاده‌لرینی ایشلتدی.

آمریکا پرزیدنتی دونالد ترامپین ژوئن آیین‌دا پنتاگونا اوزای گوج‌لری یولباشچیلیغی قورولماسینا دایر حاضرلیق گؤرمه گؤستریشی وئردیگینی خاطیرلادان پنس،

"باشقانین دا دئدیگی کیمی آمریکانین تکجه فضاداکی وارلیغی یئتمز، فضادا حاکمیت ساغلامالییق و بونو ائدجییک" دئیه دانیشدی.

پنس، اوزای گوج‌لری قونوسوندا کنگره‌‌نین ده دستگینی آلدیقلارینی دیله گتیره‌رک، بو گوجون هاوا، قورو، دنیز، دنیز پیادالاری و ساحل گوونلیک یولباشچیلیقلارینین یانی سیرا، آلتینجی بیر یولباشچیلیق اولاجاغینی قید ائتدی.

پنتاگونون اوزای گوج‌لرینین قورولماسینا ایلیکین توصیه راپورو حاضرلاماسینا ایشاره ائد‌ن پنس،

"یؤنتیمیمیز اوزای گوج‌لرینی ۲۰۲۰.جی ایله قدر قورماق مقصدیله بو توصیه‌لری حیاتا گئچیرمک اوزره یاخین زامان‌دا آددیم آتاجاق" دئدی.

پنس بوندان باشقا، کنگره‌نین گله‌جک ۵ ایل بویونجا اوزای ایشلری اوچون ۸ میلیارد دلار علاوه فوند آییراجاغی معلوماتینی وئردی.

دیگر طرف‌دن، پنس، چین ایله روسیانین سون زامانلار بیر چوخ هیپرسونیک سلاح و تکنیک گلیشدیردیکلرینی، آمریکانین اوزای‌داکی اوستونلویونو تهدید ائتدیکلرینی سؤیله‌دی.

چینین ۲۰۰۷ده اؤز اویدولارین‌دان بیرینی ووردوغونو خاطیرلادان پنس، بو حادثه‌نین چینین اوزایی سلاحلاندیرما مسئله‌سین‌ده گلیشن ظرفیتینی گؤستردیگینه دقت چکدی.

پنس، روسیانین اوزای مرکزلری و اویدولارا ضرر وئره بیله‌جک لیزر سیستمی اوزرین‌ده چالیشدیغینی بیلدیره‌رک، اوچاق‌لاردان اوزای‌داکی اویدولارا آتیلاجاق رموشک سیستملری تاسارلادیقلارینین ادعا ائدیلدیگینی سؤیله‌دی.

پنس،

"فعالیتلرینین ده گؤستردیگی کیمی، دوشمنلریمیز اوزایی بیر ساواش میدانینا چئویرمیش و آمریکا بو میدان اوخولامالارا قارشی گئری دورمایاجاق" دئدی.



ایلگیلی‌لی خبرلر