یاپای آغ‌جییرلر باشاری ایله جالاقلاندی

جالاقلانان  آغ‌جییر توخولارین‌دا ساغلیقلی قان دامارلارینین گلیشدیگینین معین ائدیلدیگینی بیلدیردی

یاپای آغ‌جییرلر باشاری ایله جالاقلاندی

آمریکاداکی تگزاس اونیورسیته‌سین‌دن بیلیم اینسانلاری، گلیشدیردیکلری آغ‌جییرلری اوغورلو بیر شکیل‌ده دونوزلارا نقل ائتمه‌یی باجاردیلار.

آمریکادا یاییملانان بیلیم درگیسی ساینس نیوزون خبرینه گؤره، دونوزلار، عملیات‌دان سونرا بیر نئچه هفته داها حیاتدا قالدی.

آراشدیرما‌چیلار، اورگانلارین دونوزلاردا کؤک آتماسی نتیجه‌سین‌ده، جالاقلانان  آغ‌جییر توخولارین‌دا ساغلیقلی قان دامارلارینین گلیشدیگینین معین ائدیلدیگینی بیلدیردی.

چالیشما سیراسیندا، شکر و یویوجو(دترجنت) اولوشان بیر قاریشیم قوللانان بیلیم اینسانلاری، حیوانلاردان آلینان بیر حجره کولتورونو بؤیوتمه‌یه باشلادی.

آغ‌جییرلر ۳۰ گون بویونجا قیدا محلوللاری ایله دولو بیر بیورآکتور تانکیندا بؤیودو.

حاضر حالا گلن اورگانلار، دؤرد دونوزدان آلینان سول آغ‌جییرلرین یئرینه جالاقلاندی.

بیلیم اینسانلاری، گله‌جک‌ده، بو یولو داها دا گلیشدیریب ساغلیقلی اورگان الده ائده بیله‌جکلرینی اومود ائتدیکلرینی بیلدیردی.

اینسانلارا صونعی آغ‌جییر نقل ائدیلمه‌سی دوروموندا، اورگانین چرچیوه‌سینی اولوشدورابیلمک اوچون ۳دی باسقی تطبیق ائدیله‌جیی ده بیلدیریلدی.



ایلگیلی‌لی خبرلر