"برمودا اوچ بوجاغی"نین سیرری تاپیلدی
بؤیوک بریتانیا عالیملری "برمودا اوچ بوجاغی"نین سیررینی تاپیبلار.
بؤیوک بریتانیا عالیملری "برمودا اوچ بوجاغی"نین سیررینی تاپیبلار.
عالیملرین قناعتینه گؤره، "برمودا اوچ بوجاغی"ندا گمیلرین یوخ اولماسینین سببی هوندورلوگو 30 متره قدر چاتان "قاتیل دالغالار" اولا بیلر.
بئله قناعته لابراتوار شرایطینده سیناق کئچیرن ساوتهمپتون اونیورسیته سینین عالیملری گلیبلر. عالیملر بیلدیریرلر کی، اوچ گوجلو فیرتینانین توققوشماسی نتیجهسینده یارانان دالغالار حتی بؤیوک گمینی ایکی یئره پارچالایا بیلر.
"برمودا اوچ بوجاغینین تاپماجاسی" آدلی سندلی فیلمده لابوراتوریا شرایطینده مودئل لشمهنین کمکی ایله "ائیبهجر دالغالار" افکتی یئنیدن جانلاندیریلیب. جمعی بیر نئچه دقیقه داوام ائدن طبیعی حادثه جنوبی افریقانین ساحلینده 1997-جی ایلده اویدولارین (ماهواره) کمکی ایله قئیده آلینمیشدی. دالغالاردان بعضیلری 30 متر هوندورلویه چاتیردی.
تدقیقاتچی تیمی "سیپلوپ" گمیسینین مودئلینی تیکیبلر. بؤیوک گمی 1918-جی ایلده 300 یولجو ایله برمودا اوچ بوجاغیندا ایتمیشدی.