۲۰۰ میلیون ایللیک فسیل تاپیلدی
اسکلتین یوکسکلیگینین ۴ متر، اوزونلوغونون ایسه ۱۰ متر اولدوغو بیلدیریلدی
آرژانتینده ان آز ۲۰۰ میلیون ایل اؤنجه‌یه عاید اولدوغو تخمین ائدیله‌ن دایناسور فسیلی تاپیلدی.
طبیعت ائکولوژیسی و ائوریم درگیسینه گؤره، آرژانتینده آراشدیرما یئریدن آرکئولوگلار ۲۰۱ ایله ۲۳۷ میلیون ایل اوله عاید اولدوغو دوشونوله‌ن قوجامان بیر دایناسور اسکلتی کشف ائتدی.
"اینگنتیا پریما" آدی وئریله‌ن اوتچول بیر دایناسور نؤوعونه عاید اولدوغو بیلدیریلن اسکلتین یوکسکلیگینین ۴ متر، اوزونلوغونون ایسه ۱۰ متر اولدوغو بیلدیریلدی.
آراشدیرمایا قاتیلان آرژانتینا سان خوان اولوسال اونیورسیته‌سین‌دن سیسلیا آپالدتی،
"بیلیم اینسانلاری بو آنا قدر بؤیوک دایناسورلارین ۱۸۰ میلیون ایل اول دونیادا یاشاماق‌دا اولدوغونا اینانیردی، آنجاق بو کشف دایناسورلارین تخمین ائدیله‌ن ایللردن داها اول مؤوجود اولدوقلارینا ایشاره ائدیر" دئدی.
فسیلی تاپیلان نؤوعون، اوزون بویونلاری و قویروقلاری اولان "براچیوساوروس" و "دیپلودوکوس" کیمی بؤیوک دایناسورلارین اجدادی اولدوغو تحمین ائدیلیر.
