صنعی ذکا خسته‌لیکلری معین ائده‌بیله‌جک

اینگیلیس بیلیم اینسانلاری یاپای ذکایا، اینسان نفسینی قوخولاماغی و ایچین‌ده‌کی خسته‌لیک خبرچی‌سی ایشاره‌لری تانیماغی اؤیره‌دیر

صنعی ذکا خسته‌لیکلری معین ائده‌بیله‌جک

صنعی ذکا اینسان نفسین‌دن خسته‌لیکلری معین ائده‌بیله‌جک.

اینگیلیس بیلیم اینسانلاری یاپای ذکایا، اینسان نفسینی قوخولاماغی و ایچین‌ده‌کی خسته‌لیک خبرچی‌سی ایشاره‌لری تانیماغی اؤیره‌دیر.

لوگ‌بوروگ اونیورسیته‌سینین وئری/داتا بیلیمی اکیبی بو وظیفه اوچون بعضی ریاضی مودللر گلیدشدیردی.

بو مودللر سایه‌سین‌ده صنعی ذکا، اینسان نفسین‌ده اولان یوزلرجه بیله‌شیک/ترکیب آراسین‌دا بعضی سرطان نؤوعلرینی ارکن مرحله‌لرده معین ائده بیله‌جک.

هاوادا اولدوقجا آز میقداردا اولان ماده‌لری آشکار ائده‌بیله‌ن حساس جیهازلار اوزون ایللردیر کی، موختلیف لابراتورلار طرفین‌دن ایستیفاده ائدیلیر.

خسته‌لیکلرین ارک‌ن تانی‌سین‌دا(تشخیصینده) دا بو تکنولوژیدن ایستیفاده ائتمه‌سی اوچون بعضی چالیشمالار یئریدیلیر.

آنجاق، مؤوجود چالیشمالار وئرینین اوزامانلار طرفین‌دن تحلیل اولونماسینی طلب ائتدیگی اوچون آسان و سرعت‌لی دئییل.

صنعی ذکایا، اینسان نفسین‌دن خسته‌لیکلری آشکار ائتمک مقصدیله آکادمیسین، دکتر، طب باجی‌سی، رادیولوگلاردان اولوشان اکیب سرطان معالیجه‌سی گؤرمک‌ده اولان خسته‌لردن نفس اؤرنک‌لری توپلادی.

سونرا بو نومونه‌لر کیمیاچیلار و بیلگی‌سایار بیلیمچیلری طرفین‌دن اینجه‌لندی.

صنعی ذکا، داها اول متخصصلر طرفین‌دن آپاریلان و ساعاتلار سوره‌ن نفس نومونه‌لرینی یالنیز بیر نئچه دقیقه عرضین‌ده آنالیز ائده‌بیلدی.

پروسه هم داها آز خرج‌لی هم ده نتیجه‌لری باخیمین‌دان داها گوونلی.



ایلگیلی‌لی خبرلر