اپل رکورد قیردی
اپل‌ین دگری شیرکت تاریخین‌ده ان یوکسک سویه‌یه چاتدی
آمریکانین بازار دگری ان یوکسک تکنولوژی شیرکتی اپل‌ین سهملری رکورد قیردی.
نیویورک بورسون‌دا ایشلم گؤره‌ن اپل‌ین سهم باشینا دگری ۱۸۴،۲۵ دلارا قدر قالخاراق، شیرکت تاریخین‌ده ان یوکسک سویه‌یه چاتدی.
بئله‌لیکله، دوننی ۱۷۶،۸۹ دلاردان قاپادان اپل سهملری، بو گون یوزده ۴،۱ آرتیش قید ائتدی.
بوندان باشقا، اپل‌ین بازار دگری دونن ۸۹۶ میلیارد دلار ایکن، بو گون ۳۷ میلیارد دلار آرتیشلا ۹۳۳ میلیارد دلارا قدر یوکسلدی.
اپل‌ین سهم‌لرین‌ده‌کی آرتیش، آمریکالی میلیاردر و یاتیریمچی وارن بافت‌ین دونن آخشام آچیقلامالارینین آردیندان گلدی.
بافت، اوست یؤنتجیسی اولدوغو برکشایر هاتاوی شیرکتینین ۲۰۱۸ ژانویه-مارس دؤورونده ۷۵ میلیون اپل پایی آلدیغینی بیلدیردی.
شیرکت، ۲۰۱۷ سونو اعتباریله تخمیناً ۱۶۵ میلیون اپل سهمینه صاحب ایدی.
برکشایر هاتاوی‌ین بوتؤولوک‌ده تخمیناً ۴۴ میلیارد دلار دگرین‌ده اپل پایی وار.
