تورک ساوونما سیستمی سیناندی

"حصار" پروژه‌لری چرچیوه‌سین‌ده اوچوشلو و آتیش‌لی تستلر ائدیلدی

تورک ساوونما سیستمی سیناندی

هاوا ساوونما سیستمی "حصار"ین تست آتیشلاری اوغورلو اولدو.

تورکیه‌نین هاوا ساوونما‌سین‌دا آلچاق و اورتا یوکسک‌لیک احتیاجلارینین میلی ایمکانلارلا ساوونما‌سی آماجی ایله یئریدیلن حصار پروژه‌لرینین تستلرین‌دن اوغورلو نتیجه‌لر آلیندی.

قورو گوج‌لری‌نین آلچاق و اورتا یوکسک‌لیک هاوا ساوونما احتیاجلارینی قارشیلاماق اوچون میلی ایمکانلار ایله گلیشدیریلن آلچاق ارتفاع هاوا ساوونما موشک سیستمی (حصار-آ) و اورتا یوکسک‌لیک هاوا ساوونما موشک سیستمی (حصار-او) پروژه‌لرینه یؤنه‌لیک چالیشمالار داوام ائدیر.

حصار-آ و حصار-او، ثابت و دؤنر قانادلی هاوا آراج‌لارینین، موشکلرین، اینسان‌سیز هاوا آراج‌لاری و هاوادان قورویا آتیلان موشکلرین یوخ ائدیلمه‌سینی تامین ائدیر.

سؤزوگئدن تهدیدلری حصار-آ ۱۵ کیلومتر، حصار-او ۲۵ کیلومتر منزیله قدر ائتکیسیز حالا گتیره‌بیلیر.

پروژه‌لر چرچیوه‌سین‌ده آلت سیستم تست فعالیتلری تاماملاناراق سیستم سوییه‌سی گلیشدیرمه و تست پروسه‌سینه باشلاندی.

حصار سیستملرینین تستلری، ساوونما صنایعی مستشارلیغی و تورک سلاح‌لی گوج‌لری نماینده‌لرینین قاتیلیمی ایله آسئل‌سان و روکت‌سان طرفین‌دن آک‌سارای‌دا حیاتا گئچیریلدی.

بو چرچیوه‌ده، حصار پروژه‌لرین‌ده سیستملردن ایلک دفعه دیک آتیش ائدیلدی و ۳۶۰ درجه قوروما اؤزلییگی باشاری ایله تست ائدیلدی.

حصار پروژه‌لری چرچیوه‌سین‌ده اوچوشلو (هدف اوچاق) و آتیش‌لی تستلر ائدیلدی.

یوکسک مانور ائد‌ن حصار موشکلرینین کنترل و گودوم یئته‌نک‌لرینین گؤزلنتیلری قارشیلادیغی کامپانییادا، ایلک دفعه حصار سیستملرینین رادار، کنترل و آتیش کنترل، الکترو-اوپتیک و خبرلشمه فاکتورلاری دا یئر آلدی.



ایلگیلی‌لی خبرلر