تورک پروفسور موکافاتا لاییق گؤرولدو

ایراندا تشکیل ائدیلن و ایسلام دونیاسی‌نین نوبلی کیمی مشهورلاشمیش "مصطفی موکافاتی"نا لندن ایمپریال کالج‌ده وظیفه‌لی تورک پروفسور سامی ارول گه‌لنبه لاییق گؤرولدو.

تورک پروفسور موکافاتا لاییق گؤرولدو

ایراندا تشکیل ائدیلن و ایسلام دونیاسی‌نین نوبلی کیمی مشهورلاشمیش "مصطفی موکافاتی"نا لندن ایمپریال کالج‌ده وظیفه‌لی تورک پروفسور سامی ارول گئلنبه لاییق گؤرولدو.

بیلگی سایار شبکه‌لری و سیستم‌لری ایله اونلارین ریاضیاتلا باغلی آنالیزلریله علاقه‌لی فعالیت‌لرینه گؤره موکافاتا لاییق گؤرولن تورک علم خادیمی همچنین 500 مین دو‌لارلیق پول دا قازانیب.

فعالیت‌لرینی بیلگی سایار، الکترون مهندیس‌لیک و تطبیقی ریاضیات ساحه‌لرینده داوام ائتدیرن پروفسور گئلنبه "مصطفی موکافاتی" ایله علاقه‌لی دئییب کی، ایرانین ائتمک ایستدیگی آیدین‌دیر. بو ایسلام عالمی‌نین نوبل موکافاتی‌دیر. ایسلام عالمی‌نین نوبلی دئییله بیلر، اما ایران بون‌دان علاوه آددیم‌لارا نظر سالیر.

ایکی ایلدن بیر تقدیم ائدیلن "مصطفی موکافاتی" علم و تکنولوژی ساحه‌سینده ایسلام دونیاسی علم آدامی و آراشدیرماچی‌لارینا تقدیم ائدیلیر.

تشکیلاتچی‌لار بو دؤور 31 اؤلکه‌دن جمعی 241 اثری قیمتلن‌دیرمک اوچون سئچیم ائتدیک‌لرینی، تدقیقات‌لاردان سونرا تورکیه و ایران‌داکی ایکی اثرین موکافاتا لاییق گؤرولدوگونو آچیقلاییب‌لار.

تورک پروفسورلا یاناشی ایران‌لی علم آدامی محمد امین شکرالله اینفورماسیا نظریه‌سین‌دکی فعالیت‌لرینه گؤره موکافات قازانیب.

ایکی علم خادیمینه موکافات‌لاری تهران‌داکی وحدت کنفرانس سالونوندا تشکیل ائدیلن مراسیمده تقدیم اولونوب.



ایلگیلی‌لی خبرلر