تورکیه‌ده ایلک دفعه مصنوعی اورک ناسوسو اوره تیلدی

دونیادا یالنیز آمریکا، آلمانیا و ژاپن-دا اولان مصنوعی اورک ناسوسو 11 ایللیک امک نتیجه‌سینده تورکیه‌ده ایلک دفعه اوره تیلدی.

تورکیه‌ده ایلک دفعه مصنوعی اورک ناسوسو اوره تیلدی

دونیادا یالنیز آمریکا، آلمانیا و ژاپن-دا اولان مصنوعی اورک ناسوسو 11 ایللیک امک نتیجه‌سینده تورکیه‌ده ایلک دفعه اوره تیلدی.  

ایستانبول باخچاشهیر اونیورسیته‌سی طب فاکولته‌سی‌نین رئیس معاوینی، اورک و دامار خسته‌لیک‌لری بولومونون صدری پروفسور دوقتور سوها کوچوک آکسو تورکیه‌نین بو مسئله‌ده دؤردونجو اؤلکه اولاجاغینی بیلدیردی.

مصنوعی اورک ناسوسو پروفسور کوچوک آکسو و ایستانبول کوچ اونیورسیته‌سی مکانیک مهندسی اوره تیم و اوتوماسیون آراشدیرما مرکزی‌نین صدری پروفسور دوقتور ایسماعیل لازاوغلو ایله بیرلیکده تخمینن 20 نفرلیک قروپون قاتیلدیغی بیر عملیاتلا بیر دوموزون اوریینه تاخیلا‌راق تست ائدیلدی.

پروفسور کوچوک آکسو:"سون 4 ایلدیر کی، چوخ فعال چالیشیردیق. ناسوسون تاخیلا‌راق قان دؤورانینی دستکله‌یه‌بیله‌جگینی گؤردوک. تست حیوانی‌نین چکیسی تخمینن 90 کیلو ایدی. ناسوسون اینسانی راحت‌لیقلا دستکله‌یه‌بیله‌جگینی اورتایا قویدو. ایکی تجروبه ده کئچیرجییک. سونرا دا اوزون مدت‌لی تست‌لره کئچجییک" دئدی.

تیتانیوم‌دان حاضیرلانان اورک ناسوسونون دیامتری 50 میلی متر، چکی‌سی تخمینن 250 گرام‌دیر.

17 ساعت انرژی وئرن باطری و الکترون نظارت منطقه‌سیندن عبارت اولان سیستم دقیقه‌ده 8 لیتر (یئتکین اینساندا 4.5-5 لیتر کیفایت‌دیر) قان اؤتورور.

مصنوعی اورک و دستک سیستم‌لری اورک نقلینی گؤزله‌ین اورک چاتیشمازلیغی خسته‌لرینی حیاتدا ساخلاییر.



ایلگیلی‌لی خبرلر