نتانیاهو، یوسف بن علوی ایله گؤروشدو

"هامیمیز اوچون باریش و ثابت‌لییه ایمکان وئره‌بیله‌جک مثبت سیاستینیزدن دولایی ایسراییل خالقی آدینا سیزه تشکر ائدیره‌م"

نتانیاهو، یوسف بن علوی ایله گؤروشدو

ایسراییل باشباخانی بنیامین نتانیاهو لهستانین باشکندی ورشودا کؤرفز اؤلکه‌لرین‌دن عمانینین خاریجی ایشلر باخانی یوسف بن علوی بن عبدالله ایله بیر آرایا گلدی.

ایسراییل باشباخانین افیسین‌دن وئریله‌ن یازی‌لی آچیقلامایا گؤره، "اورتا دوغودا باریش و گوونلیگین گله‌جگینی دستکله‌مک" آدلی کنفرانس‌دا ایشتیراک ائتمک اوچون ورشودا اولان باشباخان نتانیاهو و باخان عبدالله آراسین‌دا گؤروشمه گرچکلشدی.

نتانیاهونون قالدیغی هتل‌ده گئچیریله‌ن گؤروشمه‌ده ایسراییل باشباخانی، عمان سلطانی کابوس بن سعیدین دعوتی ایله اکتبر آیین‌دا مسقطه ائتدیگی رسمی سفرین اؤنمینی قید ائتدی.

عمان سلطانینین اؤزونو اؤلکه‌سینه دعوت ائد‌رک "جسور" بیر قرار وئردیگینی دئیه‌ن نتانیاهو،

"هامیمیز اوچون باریش و ثابت‌لییه ایمکان وئره‌بیله‌جک مثبت سیاستینیزدن دولایی ایسراییل خالقی آدینا سیزه تشکر ائدیره‌م" دئدی.

اورتا دوغوداکی خالقلارین "گئچمیشه تاخیلیب قالدیقلاری اوچون چوخ اذیت چکدیگینی" بیلدیره‌ن باخان عبدالله ایسه،

"بو دؤورون هر توپلومون ریفاهی و گله‌جگی اوچون یئنی بیر دؤور اولدوغونو دئییریک" ایفاده‌سینی ایشلتدی.

ایسراییل باشباخانی نتانیاهو ۲۶ اکتبردا اؤلکه‌لری ایله دیپلوماتیک ایلیشکیسی اولمایان عمانا رسمی سفرده ائتمیش و عمان سلطانی قابوس بن سعید ایله گؤروشموشدو.



ایلگیلی‌لی خبرلر