جیش العدل: عسگرلرین هامی‌سی اؤلدو

ایران خاریجی ایشلر باخانلیغی سؤزچوسو، سیستان و بلوچستانداکی اینقیلاب محافظلری اوردوسونا قارشی ترور سالدیریسین‌دا بؤلگه اؤلکه‌لرینی سوچلادی

جیش العدل: عسگرلرین هامی‌سی اؤلدو

ایران‌دا اینقیلاب محافظلری اوردوسونا باغلی سرحدچیلری داشییان اتوبوسو هدف آلان انتحار سالدیریسین‌دا ۲۷ عسگر اؤلدو، ۱۳ عسگر ده یارالاندی.

ایران دؤولت تلویزیونونون خبرینه گؤره، سیستان و بلوچستان ایالتینین زاهدان ایله خاش یولو اوزرینده دئوریم محافظلری اوردوسو پرسنلینی داشییان اتوبوسو هدف آلان انتحار سالدیریسی تشکیل اولوندو.

اینقیلاب محافظلری اوردوسون‌دان سالدیریلا باغلی وئریلن آچیقلامادا، بومبا یوک‌لو اتومبیلله تشکیل ائدیله‌ن انتحار سالدیریسین‌دا اینقیلاب محافظلری اوردوسو قورو گوجو قدس قرارگاهینا باغلی سرحدچیلری داشییان اتوبوسون هدف آلیندیغی بیلدیریلدی.

۲۷ اینقیلاب محافظلری اوردوسو عسگرینین اؤلدویو، ۱۳ونون ایسه یارالاندیغی ایفاده ائدیله‌ن آچیقلامادا، سالدیرینین، ایسراییل و امپریالیست گوجلرین استخبارات سرویسلرینین دستگی ایله حیاتا گئچیریلدیگی ایر‌لی سورولدو.

ایران رسمی خبر آژانسی ایرنایا گؤره ایسه، سالدیری‌دا ۲۰ عسگر اؤلدو، ان آز ۲۰ نفر یارالاندی.

ایران خاریجی ایشلر باخانلیغی سؤزچوسو بهرام قاسمی، سیستان و بلوچستانداکی اینقیلاب محافظلری اوردوسونا قارشی ترور سالدیریسین‌دا بؤلگه اؤلکه‌لرینی سوچلادی.

قاسمی، سیستان و بلوچستانداکی انتحار سالدیریسینا دایر وئردیگی یازی‌لی آچیقلامادا،

"ایران خالقینین اؤولادلاری بو سالدیرینین اینتیقامینی مطلق آلاجاق" دئدی.

انتحار سالدیریسینی ائد‌ن "جیش العدل" آدلی هؤرگوت، حادثه‌ده اتوبوس‌دا اولان ۴۰ عسگرین هامی‌سینین اؤلدویونو ادعا ائتدی. هؤرگوتون آچیقلاماسینین اوستونه ایران‌لی مقاملاردان هله بیر آچیقلاما گلمه‌دی.

ایران خاریجی ایشلر باخانی محمد جواد ظریف، تویتر حسابین‌دان سالدیرییا دایر باغلی آچیقلاما وئردی. چوخ سایی‌دا عسگرین حیاتینی ایتیردیی سالدیرییا دایر آمریکانین دستکلدیگی تروریست قروپلارا ایشاره ائد‌ن ظریف، آچیقلاماسین‌دا بو ایفاده‌لره یئر وئردی:

"ایرانین، ورشو سیرکینین" باش وئردیگی گون ترور سالدیریسینا معروض قالماسی بیر تصادف مو؟ اؤزللیکله عینی تروریستلرین دستکچیلرینین ورشو کوچه‌لرین‌ده قوتلاما ائتدیگی و تویترده ساختا حسابلارلا قوتلامالاری دستکلدیگی زامان‌دا؟ گؤرونوشه گؤره آمریکا هر زامان عینی یانلیشلاری ائدیر آنجاق فرق‌لی نتیجه‌لر الده ائتمه‌یی گؤزله‌ییر".

لهستانین باشکندی ورشودا آمریکا رهبرلیگی ایرانین بؤلگه‌سل فعالیتینین مذاکیره اولوندوغو اورتا دوغو قونولو کنفرانس گئچیریر. ایرانین تپکی گؤستردیگی کنفرانسدا ایسراییلی باشباخان بنیامین نتانیاهو، آمریکانی باشقان یاردیمچیسی مایک پنس و خاریجی ایشلر باخانی مایک پومپئو تمثیل ائدیر. کنفرانس‌دا بیر چوخ عرب اؤلکه‌سی ایله فرانسا و آلمانیا دا باخانلار سویه‌سین‌ده ایشتیراک ائدیر.

دیگر طرف‌دن، سیستان و بلوچستان والیلیگی ایالتده ۳ گونلوک یاس اعلان ائتدی.



ایلگیلی‌لی خبرلر