تورکیه، روسیا و ایران لیدئرلری بیر آرایا گلیر

تورکیه بؤلگه‌ده انسانی بحرانا یول آچاجاق بئله بیر عملیاتا ایستی باخمیر

تورکیه، روسیا و ایران لیدئرلری بیر آرایا گلیر

روسیانین سوچی شهرین‌ده یارین گئچیریله‌جک سوریه قونولو اوچلو ذیروه‌ده گوند‌م، ادلب‌ده‌کی آرتان شدت، آمریکا بیرلشمیش ایالتلرینین سوریه‌دن چکیلمه پروسه‌سی و آنایاسا یازاجاق کمیته‌نین یارادیلماسی چابالاری اولاجاق.

آستانا پروسه‌سینین ضامنلری تورکیه، روسیا و ایرانین لیدئرلری، سوریه قونوسون‌دا ذیروه‌لرین دؤردونجوسو اوچون بیر آرایا گله‌جک.

روسیا پرزیدنتی ولادیمیر پوتین، اوچلو ذیروه چرچیوه‌سین‌ده پرزیدنت رجب طیب اردوغانلا آیری بیر گؤروشمه ده گئچیره‌جک. روس لیدئرین، ایران پرزیدنتی حسن روحانی ایله ده ایکی‌لی گؤروشمه‌‌سی اولاجاق.

ذیروه‌ده اوچ ضامن اؤلکه لیدئرینین، سوریه‌نین تورپاق بوتؤولویو، ترور و آیریلیقچی گوندملره قارشی اورتاق موباریزه و آستانا فورماتین‌دا یارادیلان ایش بیرلیگینی داوام ائتدیرمه مئساژی وئرمه‌سی ده گؤزلنیلیر.

لیدئرلر، ان سون ۷ سپتامبر ۲۰۱۸ده تهران‌دا بیر آرایا گلمیش، ذیروه‌ده ادلب گرگین‌لیگی آزالتما بؤلگه‌سین‌ده‌کی وضعیتهی اله آلمیشدی. تهران ذیروه‌سینه پرزیدنت اردوغانین، بشار اسد رژیمینین آرتان ییغیناغی و سالدیریلارینا قارشی ۴ میلیون جیوارین‌دا وطنداشی قوروماق اوچون ادلبده آتیشکس چاغریسی دامغا وورموشدو.

بونون اوزرینه اردوغان، روسیالی قونومداشی پوتینله ۱۷ سپتامبر ۲۰۱۸ده سوچی‌ده بیر آرایا گله‌رک ادلب‌ده‌کی آتیشکسی ساغلاملاشدیرماق اوچون بیر آنلاشمایا ایمضا آتمیشدی.

سوچی آنلاشماسی چرچیوه‌سین‌ده حربی مخالیفلر معین ائد‌ن بؤلگه‌دن آغیر سلاحلارینی چکمیش، بؤلگه‌ده نیسبتا ساکیت‌لیک یارادیلمیش، یئرلرین‌دن ائدیله‌ن وطنداشلار ائولرینه قاییتماغا باشلامیشدی. آنجاق قیسا بیر مدت سونرا رژیم و ایران دستک‌لی خاریجی تروریست قروپلار، جبهه خطلرینه تجهیزات و مولکی یئرلشیملره سالدیریلارینا یئنی‌دن باشلامیشدی.

یارین‌کی ذیروه‌ده، ادلبده اؤزللیکله رژیم سیرالارین‌داکی ایرانین دستکلدیگی بیلینن خاریجی تروریست قروپلارین آرتیردیغی زوراکیلیغین مذاکیره اولونماسی اؤن گؤرولور.

سؤزوگئدن قروپلار، دونن گون بویونجا ادلبه ۱۰۰دن چوخ توپچو سالدیریسی تشکیل ائتدی.

روسیا، تورکیه‌یه، شدتین سوروملوسو کیمی گؤستردیگی هیئت تحریر شام کیمی بعضی عنصورلارا قارشی اورتاق عملیات تکلیف ائدیر.

آنجاق تورکیه بؤلگه‌ده انسانی بحرانا یول آچاجاق بئله بیر عملیاتا ایستی باخمیر.

اوچ لیدئرین آمریکانین سوریه‌دن گوجلرینی چکمه‌سیله باغلی گوندم‌لرین‌ده تورکیه‌نین فرات چایینین دوغوسوندا ائدجیی عملیات و منبج قونوسو اولاجاق.

روسیا، تورکیه‌نین فراتین دوغوسونداکی بؤلوجو ترور هؤرگوتو یپگ/پ‌کاکا وارلیغینا قارشی ائدجیی عملیاتا پرینسیپ اولاراق قارشی چیخمیر. آنجاق سؤزوگئدن تورپاقلارین رژیمه بوراخیلماسینی ایسته‌یه‌ن موسکوادا، یؤلگه‌ده کنترلون قیسا مدت‌ده رژیمه بوراخیلما گؤزلنتی‌سی وار.

تورکیه ایسه حسکه‌ده اولدوغو کیمی رژیمین یپگ/پ‌کاکا ایله ایچ ایچه یاشایاجاغی بیر مدل اولوشماسین‌دان قایغی دویور.

بو سببله آنکارا، یپگ/پ‌کاکانین رژیم واسطه‌سیله گئری قاییتماسینین قارشی‌سینی آلماق اوچون حربی تدبیر آلماق ایسته‌ییر.

روسیا، بو مقام‌دا تورکیه و رژیم آراسین‌دا ایلیشکی و ایش بیرلیگی یارادیلماسی باره‌ده نیتینی بیان ائدیر. پوتین، ۲۳ ژانویه‌ده اردوغان ایله گؤروشون‌ده، (تورکیه ایله سوریه آراسین‌دا ۱۹۹۸ده ایمضالانان) آدانا آنلاشماسینی خاطیرلاداراق تورکیه‌نین گوونلیک قایغیلارینین بو چرچیوه‌ده اورتادان قالدیریلابیله‌جگینی دوشوندویو مئساژینی وئرمیشدی.

سوریه‌ده یئنی آنایاسانی یازاجاق کمیته‌نین یارادیلماسی چابالاری، سون ۵۰ نفرلیک لیسته‌ده، رئژیم نماینده هیاتینین تکلیف ائتدیگی بعضی آدلاردا دۆیونلنمیشدی.

رژیم، مولکی و نیسبتا طرف‌سیز گؤروله‌بیله‌جک نامیزدلرین آدلارینی بیلدیرمک یئرینه یوکسک سویه‌لی دؤولت اورگانی یؤنتیجیلری کیمی شخصلرین لیسته‌یه داخیل اولماسین‌دا اصرار ائدیر.

مخالیفلرین ضامنی تورکیه ایسه آنایاسانی یازاجاق کمیته‌نین دنگه‌لی و معتبر شخصلردن عبارت اولماسی لازیم اولدوغونو وورغولاییر.



ایلگیلی‌لی خبرلر