هایکو ماس:"سوریه-ده ثابیتلیگین برقرار اولماسینی ایستییریک"

آلمانیا خاریجی ایشلر ناظیری هایکو ماس سوریه-ده ثابیتلیگین برقرار اولماسینی ایسته‌دیک‌لرینی بیلدیردی.

هایکو ماس:"سوریه-ده ثابیتلیگین برقرار اولماسینی ایستییریک"

آلمانیا خاریجی ایشلر ناظیری هایکو ماس سوریه-ده ثابیتلیگین برقرار اولماسینی ایسته‌دیک‌لرینی بیلدیردی.

آلمانیا خاریجی ایشلر ناظیری هایکو ماس و بیرلشمیش میللت‌لر تشکیلاتی‌نین سوریه عذره خصوصی نماینده‌سی گئیر پدرسون گؤروشدن اول بیرگه مطبوعات کنفرانسی کئچیردی‌لر.

هایکو ماس مطبوعات کنفرانسیندا چیخیش ائده‌رک سوریه-ده کی موناقیشه‌نین 8 ایلدیر داوام ائتدیگینی سؤیله‌دی، 400 مین‌دن آرتیق اینسانین هلاک اولدوغونو، میلیون‌لارلاسی‌نین یوردون‌دان-یوواسیندان دیدرگین دوشدوگونو قئید ائتدی.

ناظیر سوریه-ده بوتون قروپ‌لارین ماراق‌لارینی نظره آلان داواملی، محکم باریشین سیاسی پروسئسله الده اولوناجاغینی ایفاده ائده‌رک: "هامیمیز سوریه-ده مومکون اولان قدر سرعتله ثابیتلیگین برقرار اولماسینی ایستییریک" دئدی.

ماس آلمانیانین سوریه اوچون یئنی بیر آنایاسا یاراتماق سعی‌لرینی دستکلدیگینی بیلدیردی.

آلمانیانین خاریجی ایشلر ناظیری سوریه-ده دایمی آتشکه‌سه احتیاج اولدوغونو وورغولایا‌راق، ادلیب‌دکی راضیلاشمانین بونون بیر حیسه‌سی اولدوغونا، لاکین اؤلکه داخیلینده سلاح‌لارین سوسماسی‌نین واجیب‌لیگینه دقت چکدی.

بیرلشمیش میللت‌لر تشکیلاتی‌نین سوریا عذره خصوصی نماینده‌سی گئیر پدرسون دا سوریه خالقی‌نین 8 ایلدیر عذاب-اذیت چکدیگینی سؤیله‌یه‌رک: "چوخ اینسان هلاک اولدو. اینسان ایتکی‌سی حدیندن آرتیق‌دیر. بیر چوخ اینسان آغیر شرط‌لر آلتیندا محبوس ساخلانیلیر" دئیه دانیشدی.

پدرسون سوریه-ده اها‌لی‌نین فرق‌لی طبقه‌لری آراسیندا اعتمادین برقرار اولماسینا ایشاره ائده‌رک: "سیاسی پروسه لرایله  یاناشی اجتماعی ترقی اوچون ده شرایط یارادیلما‌لی‌دیر. بورادا حل ائدیجی آددیم آنایاسا کومیته‌سی‌نین یارادیلماسینا باشلاماق‌دیر. بونون سوریه-ده سیاسی پروسه اوچون بیر آچار رولو اوینایاجاغینا اومید ائدیریک" دئدی.

پدرسون حل ائدیله‌جک مسئله‌لر آراسیندا آتشکس موضوع سونون، ادلیب-ده و اؤلکه‌نین قوزیی –دوغوسونداکی  وضعیتین ده حل ائدیله‌جک مسئله‌لر آراسیندا اولدوغونو قئید ائتدی.



ایلگیلی‌لی خبرلر