حسن روحانی: آمریکا ایله قارشیلیق‌لی احترام اسناسیندا موذاکره‌لره حاضیریق

ایرنانین خبرینه گؤره، باشکند تهراندا باخان‌لار قورولو توپلانتی‌سیندا دانیشان روحانی، آمریکانین اؤلکه ایقتیصادینا یؤنلن تحریم‌لری‌نین خالق اوزرینده باشقی عمله گتیردیگینی ایفاده ائدیب

حسن روحانی: آمریکا ایله قارشیلیق‌لی احترام اسناسیندا موذاکره‌لره حاضیریق

ایران جمهورباشقانی حسن روحانی، آمریکا ایله قارشیلیق‌لی احترام چرچیوه‌سینده موذاکره‌لره حاضیر اولدوق‌لارینی سؤیله‌دی.

ایران رسمی آژانسی ایرنانین خبرینه گؤره، باشکند تهراندا باخان‌لار قورولو توپلانتی‌سیندا دانیشان روحانی، آمریکانین اؤلکه ایقتیصادینا یؤنلن تحریم‌لری‌نین خالق اوزرینده باشقی عمله گتیردیگینی ایفاده ائدیب.

آمریکا ایله قارشی‌لیق‌لی حؤرمت چرچیوه‌سینده دانیشیق‌لارا حاضیر اولدوق‌لارینی دیله گتیرن روحانی،

" بیز دیالوق اهلییک. اگر بیری معین بیر مسئله‌ده بیزیمله دانیشماق ایستییر و خالقیمیز ایله قانون‌لاریمیزا حؤرمت بسلییرسه مذاکیره ائدیریک." دئدی.

روحانی، آمریکا تحریم‌لری‌نین ایقتیصادا ضرر وئردیگینی آنجاق بونا باخمایا‌راق تسلیم اولمایا‌جاق‌لارینی بیلدیریب،

" ایران خالقی دوشمنه تسلیم اولماغا حاضیر دئییل و دوشمنه تسلیم اولماغین سونو یوخ. اگر آمریکا قارشی‌سیندا ایلک آددیمدا تسلیم اولساق سونونا قدر تسلیم اولماغیمیز لازیم‌دیر." ایفاده‌لرینی ایستیفاده ائتدی.

ایران اینقیلابی‌نین 40-جو ایله ده توخونان روحانی، شن‌لیک‌لرده گئنیش میقیاس‌لی قاتیلیمین خالقین آمریکانین تأثیری آلتیندا اولمادیغی‌نین گؤستریجی‌سی اولدوغونو سؤزلرینه علاوه ائدیب.

آمریکا پرزیدنتی دونالد ترامپ، 6 ژانویه‌ده وئردیگی بیاناتدا نوکلر آنلاشما‌دان چکیلدیک‌دن سونرا ایرانا ائتدیگی تحریم‌لری ایستیفاده ائده‌رک،

" اونلارین (ایران) وضعیتی او قدر ده یاخشی دئییل. بیزیمله ماسایا اوتورماق ایستییرلر." ایفاده‌لرینی ایشلتمیشدی.

ایران خاریجی ایشلر ناظیرلیگی سؤزچوسو بهرام نوامبریندا ایسه واشینگتون رهبرلیگی‌نین نوکلئر آنلاشمان‌دان سونرا ایرانی یئنی بیر مذاکیره‌یه زورلاماغا چالیشدیغینی آنجاق اؤزلری‌نین بونو اینکار ائتدیگینی سؤیلمیشدی.



ایلگیلی‌لی خبرلر