عبدالمهدی: قبول ائتمیریک

"عراقین قراری مستقیل‌دیر و هئچ بیر طرفین نفوذون‌دان تاثیرلنمز"

عبدالمهدی: قبول ائتمیریک

عراق باشباخانی عادل عبدالمهدی، اؤلکه تورپاقلاریندا خاریجی حربی مرکز قبول ائتمه‌دیکلرینی بیلدیردی.

عراق باشباخانلیق مطبوعات افیسین‌دن وئریله‌ن یازی‌لی آچیقلامایا گؤره عبدالمهدی، اؤلکه‌سینه سفر ائد‌ن آمریکا بیرلشمیش دؤولتلری ساوونما باخانینین وکیلی پاتریک شنهن ایله باشکند بغداددا بیر آرایا گلدی.

عراق و آمریکا ایلیشکیلری تروریزمله مباریزه مسئله‌لرینین مذاکیره اولوندوغو گؤروشمه‌ده عبدالمهدی، آمریکالی نماینده‌یه اؤلکه‌سین‌ده هئچ بیر خاریجی حربی مرکزین اولماسینی قبول ائتمه‌دیکلرینی دئدی.

"عراقین قراری مستقیل‌دیر و هئچ بیر طرفین نفوذون‌دان تاثیرلنمز" دئیه‌ن عبدالمهدی، عرب و بؤلگه اؤلکه‌لرینه آچیلیمی داوام ائتدیردیکلرینی قید ائتدی.

آمریکا ساوونما باخانینین وکیلی شنهن ایسه عراق ایله ایلیشکی‌لرینی گوجله‌ندیرمک ایستدیکلرینی بیلدیره‌رک، ایکی اؤلکه آراسین‌داکی ایلیشکی‌لرین طبیعتی و گله‌جگینه دایر عراق حکومتینین فیکرینی اؤیره‌نمک اوچون بغدادا گئتدیگینی ایفاده ائتدی.

شنهن، آمریکا عسگرلرینین داعشه قارشی مباریزه و عراق گوج‌لرینین علیم احتیاجینی یئرینه یئتیرمک وظیفه‌سی اولدوغونو دیله گتیردی.



ایلگیلی‌لی خبرلر