۴ داعش منسوبو یاخالاندی

ترور هؤرگوتو یپگ/پ‌کاکانین سربست بوراخدیغی داعش منسوبو ۴ نفر یاخالاندی

۴ داعش منسوبو یاخالاندی

سوریه‌نین عفرین بؤلگه‌سین‌ده، اؤزگور سوریه اوردوسو، بؤلوجو ترور هؤرگوتو یپگ/پ‌کاکانین سربست بوراخدیغی داعش منسوبو ۴ نفری یاخالادی.

اؤزگور سوریه اوردوسونا باغلی تخمیناً ۳۰ آلت قروپون بیرلشه‌رک یاراتدیغی میلی اوردونون سؤزچوسو یوسف حمود، عفرینین شران ناحیه‌سینده داعش منسوبو ۴ نفری توتدوقلارینی بیلدیردی.

یاخالانانلاردان ایکی‌سینین روسیا وطنداشی اولدوغونو دئیه‌ن حمود،

"تحقیقاتلاردا چیخان نتیجه‌یه گؤره، داعش عضولری دیرالزور بؤلگه‌سین‌دن ادلبه دوغرو یولا چیخمیش. البته یپگ/پ‌کاکا ایشغالین‌دا اولان بؤلگه‌لردن راحت بیر شکیل‌ده گئچه‌رک بؤلگه‌میزه قدر گلمیش. ترور هؤرگوتونون داعشه رحاتلیق تعمین ائتدیینی بورادان دا گؤره‌بیلیریک" ایفاده‌لرینی ایشلتدی.

ترور هؤرگوتو یپگ/پ‌کاکا، دیرالزورداکی خاریجی داعش منسوبلارینی تسلیم اولما و اللرین‌ده‌کی یپگ/پ‌کاکا عضوو اسیرلری گئری وئرمک شرطیله ادلبه گئچیرمک اوچون هؤرگوتله بازارلیق ائدیر.

یپگ/پ‌کاکا، خاریجی داعش منسوبلاری و عائله‌لرینه، تسلیم اولما و اسیر ساخلانیلان یپگ/پ‌کاکا عضولرینی تحویل وئرمه قارشیلیغین‌دا، ادلبه تهلوکه‌سیز چئچیش ضمانتی وئریر. آنجاق ادلبده‌کی موخالیف قروپلار، داعش منسوبلارینی قبول ائتمه‌یه‌جکلرینی، شهره گیرمه‌لری حالین‌دا بونلارلا ساواشاجاقلارینی ایفاده ائدیر.

یپگ/پ‌کاکا داها اؤنجه ده اله گئچیردیی داعش منسوب تروریستلری و چته‌باشلارینی پول قارشی‌لیغی سربست بوراخمیشدی.


اتیکتلر: سوریه , پ‌کاکا , داعش

ایلگیلی‌لی خبرلر