ایران‌دان "نورمال" بیر اؤلکه اولماسینی ایستدی

"آمریکانین ایرانی ایتیردیگینی قبول ائتمه‌سی ان یاخشی‌سی‌دیر"

ایران‌دان "نورمال" بیر اؤلکه اولماسینی ایستدی

ایران خاریجی ایشلر باخانی محمد جواد ظریف، اؤلکه‌سینین آمریکا بیرلشمیش دؤولتلرینین ایستدیگی کیمی "نورمال" بیر دؤولت اولمایاجاغینی بیلدیره‌رک، واشینگتون رهبرلیگینین تهرانی الدن وئردیگینی قبول ائتمه‌سی لازیم اولدوغونو ایفاده ائتدی.

جواد ظریف، خاریجی ایشلر باخانی مایک پومپئونون ایران ایله باغلی آچیقلامالارینا سوسیال مئدیادان جاواب وئردی.

"آمریکا نه زامان هارا مداخیله ائتدی ایسه، اورادا خائوس، باسقی و نیفرت یاراندی" دئیه‌ن ظریف، پومپئونون "ایران‌دان نورمال بیر اؤلکه اولماسینی ایستدیکلری" شکلین‌ده‌کی آچیقلامالارینا دایر بونلاری دئدی:

"ایرانین، آمریکانین اویونجاق حکومتلری و یا پومپئونون انسان حاقلارینا اویغون مدللرینی(ایستر شاه ایستر ایندیکی ساللاخلار)  تقلید ائدرک نورمال بیر اؤلکه‌یه دؤنوشه‌جگی گون گلمه‌یه‌جکدیر. او اوزده‌ن آمریکانین ایرانی ایتیردیگینی قبول ائتمه‌سی ان یاخشی‌سی‌دیر".

آمریکا خاریجی ایشلر باخانی پومپئو، چیخدیغی اورتا دوغو سفرینین ایلک دوراغی اولان اردن‌دا وئردیگی آچیقلامادا، ایران‌دان "نورمال" بیر اؤلکه اولماسینی ایستدیکلرینی بیلدیردی،

"ایرانا قارشی باسقینی تکجه دیپلوماتیک ساحه‌ده دئییل، اقتصادی ساحه‌ده ده ایکی قاتینا چیخاراجاییق" دئمیشدی.



ایلگیلی‌لی خبرلر