تورکیه-آذربایجان-ایران خاریجی ایشلر ناظیرلرینین توپلانتیسی ایستانبول کئچیریلیب
خاریجی ایشلر ناظیری مولود چاووش اوغلو، سوریه'نین ایدلیب بؤلگه'سینیده آتشکسین قورونماسینا یؤنهلیک 17 سپتامبردا تورکیه و روسیا آراسیندا ایمضالانان سوچی آنلاشمانین تطبیقینده بیر چتینلیک اولمادیغینی دئییب
تورکیه-آذربایجان-ایران خاریجی ایشلر ناظیرلرینین گؤروشمه'سی
خاریجی ایشلر ناظیری مولود چاووش اوغلو، سوریه'نین ایدلیب بؤلگه'سینیده آتشکسین قورونماسینا یؤنهلیک 17 سپتامبردا تورکیه و روسیا آراسیندا ایمضالانان سوچی آنلاشمانین تطبیقینده بیر چتینلیک اولمادیغینی دئییب.
تورکیه-آذربایجان-ایران اوچلو خاریجی ایشلر ناظیرلری توپلانتیسینین 6نجیسی، چاووش اوغلو، آذربایجان خاریجی ایشلر ناظیری ائلمار ممدیاروو و ایران خاریجی ایشلر ناظیری جواد ظریف'ین قاتیلیمی ایله ایستانبولداکی پرزیدنت دولماباغچا اوفیسینده کئچیریلیب.
توپلانتینین آردیندان کئچیریلن مطبوعات کونفرانسیندا چاووش اوغلو، گؤروشمهلرده ایکیطرفلی علاقهلری گلیشدیرمه'یه یاناشی، تورکیه، آذربایجان و ایرانین موناسیبتلرینی نئجه گوجلندیره بیله جگینین، هانسی ساحهلرده یئنی آددیملار آتاجاغینی و منطقه مسئلهلرده همرای'لیگین نئجه آرتیریلماسینین اطرافلی شکیلده موذاکیره اولوندوغونو بیلدیردی.
چاووش اوغلو، تاثیرلی چوخ طرفلیلیگه ایناندیقلارینی ایفاده ائدهرک،
بؤلگه'میزده و خاریجینده ایمکانلارین یانیندا سینامالار دا وار، آنجاق بو سیناقلارین عهدهسیندن یئرلی و منطقه'ای صاحیبلنمکله گله'بیلیریک. بو باخیمدان بؤلگهمیزدکی پروبلملرین بایشچی شکیلده حلّی اوچون، اوچ اؤلکه بیرلیکده ایش مسئلهسینده آنلاشمیش، عمومی ایرادهمیز واردیر". دئیه دانیشدی.
بؤلگه'سل باریش، ثابتلیک و ریفاه اوچون امکداشلیغین اهمیتینه ایشاره ائدن چاووش اوغلو، ایقتیصادی ساحهده بیرگه آتیلاجاق هر آددیمین، بؤلگه'نین ایقتیصادی گلیشمه'یه قاتقی وئرجگینی، نقلیاتلا باغلی آپاریلاجاق هر بیر پروژهنین، منطقهدکی اؤلکهلره یاناشی، آوروپادان چینه قدر اولان مسیر اؤلکهلرین و بؤلگهنین خئیرینه اولاجاغینی وورغولاییب.
مولود چاووش اوغلو، گؤروشمه'ده انرژی ساحهسیندکی امکداشلیغین دا قبول اولوندوغونو، نقلیات، دمیر یولو پروژهلری کیمی بللی پروژهلرین ده قیمتلندیریلدیگینی بیلدیردی.
آذربایجان و ایرانین، تورکیه اوچون انرژی منبعی اولدوغونا توخونان چاووش اوغلو، هر ایکی اؤلکیله تیجارتین و پروژهلرین حیاتا کئچیریلمهیه داوام ائدجگینی بیلدیریب.
چاووش اوغلو، نوکلئر موقاویلهدن آمریکانین چکیلمهسی و عکس اولونمالاری، بوندان سونرا نه ائتمک، آمریکانین تک طرفلی آلدیغی تحریم قرارلارینین تظاهرلرینین نه اولاجاغی و بیرلیکده گؤرولهجک تدبیرلرین قیمتلندیریلدیگینی سؤیلهدی.
چاووش اوغلو، آذربایجانین Expo 2025 ین نامیزدلیگینه تورکیهنین دستگینی تکرارلادی، نؤوبتی اوچلو توپلانتینین ایراندا ائدیله'جگینی بیلدیریب.
ایدلیب آنلاشمانین تطبیقینده بیر چتینلیک اولمادیغینی وورغولایان خاریجی ایشلر ناظیری چاووش اوغلو،
بو پروسه هر زامان ان چوخ قاتقی وئرن، دستک وئرن اؤلکهلرین باشیندا دا ایران گلیر. بو پروسه'نی بیرلیکده یورودوروک" دئدی.
دیگر طرفدن ده ترورلا و ترورون هر جورو ایله موباریزهیه داوام ائدهجکلرینی بیلدیرن چاووش اوغلو،
"بیز سوریه'ده سیاسی پروسه اوچون چابا صرف ائدرکن، پ.ک.ک، ی.پ.گ، داعش کیمی بوتون ترور تشکیلاتلاری ایله موباریزه مسئلهسینده ده قرارلیییق" شکلینده دانیشدی.
ایدلیب بؤلگهسی اوچون دفعهلرله روسیا طرفیندن سند ایمضالاندیقدان سونرا آتیلان آددیملاردان ممنون اولدوقلارینی دیله گتیردیکلرینی ایفاده ائدن چاووش اوغلو،
"بو سببدن حاضیردا ایدلیب شخصینده بئله بیر پروبلم یوخدور. حاضیردا بو سندین حیاتا کئچیریلمهسی مسئلهسینده بیر چتینلیک یوخدور. ایکی دنه یولون، حلبی حما و لازقیه ایله بیرلشدیرن یوللارین دا آچیلماسی بو ایلین سونونا قدر باش توتاجاق. حاضیردا هر شئی یئرینده گئدیر. ترورچولار و رادیکال قروپلار ضد موضع نوماییش ائتدیرسه ایلک اؤنجه بیز موداخیله ائدیریک" ایفادهلرینی ایستیفاده ائتدی.