مهمات آنباریندا پاتلاما
پاتلامانین سببی ایله باغلی هله‌لیک، بیر آچیقلاما وئریلمه‌دی
اوکراینانین چرنیگوو بؤلگه‌سین‌ده یئر آلان ایچنیا شهرین‌ده‌کی بیر مهمات آنباریندا پاتلاما باش وئردی.
اوکراینا باش قرارگاه باشقانلیغی، کیئوه ۱۷۰ کیلومتر اوزاق‌لیق‌داکی ایچنیا شهرین‌ده‌کی پاتلامایا باغلی، سوسیال مئدیا حسابین‌دان آچیقلاما وئردی.
آچیقلامادا، ۶ نؤمره‌لی مهماتخاناداکی ایلک پاتلامانین گئجه یاریسی ۰۳.۳۰دا میدانا گلدیگی بیلدیریلدی.
پاتلامالارین داوام ائتدیگی قید ائدیلن آچیقلامادا، آنبارداکی یانغینی کنترل آلتینا آلماق اوچون حادثه یئرینه چوخ ساییدا یانغین‌سؤندورمه ماشینی و اکیبلرینین گؤندریلدیگی ایفاده ائدیلدی.
ایچنیا شهری و اطراف‌داکی یاشاییش منطقه‌لرین‌دن تقریباً ۱۰ مین نفرین تخلیه اولوندوغو، ایلک بیلگی‌لره گؤره اؤلن و یا یارالانان اولمادیغی قید اولوندو.
پاتلامانین سببی ایله باغلی هله‌لیک، بیر آچیقلاما وئریلمه‌دی.
اوکراینا باشباخانی ولادیمیر گرویسمان تویتر حسابین‌دان وئردیگی آچیقلامادا، چرنیگووون فؤوق‌العاده وضعیت بؤلگه‌سی اولدوغونو بیلدیره‌رک، اکیبلرین بؤلگه‌ده چالیشدیغینی، اؤزونون ده بورایا گئدجگینی بیلدیردی.
اؤلکه‌نین ان بؤیوک مهمات آنبارلارینین اولدوغو خارکوو و وینیتسادا دا اؤتن ایل پاتلامالار میدانا گلمیش، مینلرجه تن سلاح یوخ اولموشدو.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
