"روحانی آغیر بیر سیاست‌چی‌دیر"

کرباسچی، روحانی و حکومتینین سئچیملردن اؤنجه دوشوندوکلرینی یئرینه یئتیرمه‌دیگینی دئدی

"روحانی آغیر بیر سیاست‌چی‌دیر"

ایران‌دا، غلامحسین کرباسچی، پرزیدنت حسن روحانی‌نی وظیفه‌سین‌دن استعفا وئرمه‌یه چاغیردی.

اندیشه پویا درگیسینه دانیشان رفورمیست اییلیم‌لی کرباسچی،

"اگر روحانی (بعضی انگللمه‌لردن دولایی) بیر ایش گؤرمورسه، بیر قهر‌مان کیمی وظیفه‌سین‌دن آیریلمالی و خالقا، ای اینسانلار من ایستمیشدیم آنجاق بیر دووارلا قارشیلاشدیم دئمه‌لی‌دیر" دئدی.

بونون تک باشینا روحانینین بیر قهر‌مان اولماسینا قاتقی وئرمه‌یه‌جگینی، ان آزین‌دان خالق طرفین‌دن نیفرت ائدیله‌ن بیر سیاست‌چی اولماق‌دان قورتارابیله‌جگینی ساوونان کرباسچی، روحانی و حکومتینین سئچیملردن اؤنجه دوشوندوکلرینی یئرینه یئتیرمه‌دیگینی دئدی.

روحانینین ۲۰۱۳ سئچیملری اؤنجه‌سین‌ده سیاسی حادثه‌لر قارشی‌سین‌دا یاواش داورانماقلا سوچلاندیغینی خاطیرلادان کرباسچی،

"روحانی آغیر بیر سیاست‌چی‌دیر. پرزیدنتین آغیر دئییل، آکتیو اولماسی لازم" ایفاده‌لرینی ایشلتدی.



ایلگیلی‌لی خبرلر