ایران، تورک شیرکتلرینی ایراندا سرمایه قویماغا دعوت ائدیب

آنادولو آژانسینا آچیقلاما‌لار وئرن پیرلورن، ایشبیرلیغی کئچیردیگیمیز تورک تیکینتی شیرکت‌لرینی بیر داها ایراندا فعالیت گؤسترمه‌لری اوچون دعوت ائدیریک." دئدی

ایران، تورک شیرکتلرینی ایراندا سرمایه قویماغا دعوت ائدیب

ایران یول و شهرجیلیق ناظیری‌نین موشاویری فریدون پیرلورن، تورک تیکینتیچی‌لرینی ایران‌داکی تیکینتی پروژه‌لرینه سرمایه قویماغا دعوت ائدیب.

آنادولو آژانسینا آچیقلاما‌لار وئرن پیرلورن،

ایشبیرلیغی کئچیردیگیمیز تورک تیکینتی شیرکت‌لرینی بیر داها ایراندا فعالیت گؤسترمه‌لری اوچون دعوت ائدیریک." دئدی.

تورک تیکینتی فیرما‌لاری‌نین مالیک اولدوغو تجروبه‌یه قئید ائدن پیرلورن، سون سککیز ایلده تورک تیکینتی شیرکت‌لری ایله یاخشی علاقه‌لر قوردوق‌لارینی و بو شیرکت‌لرین ایران‌داکی بیر چوخ تیکینتی پروژه‌سینی حیاتا کئچیردیگینی بیلدیریب.

پیرلورن،

7ایل اوّل 20 مین ائوین تیکینتی‌سی اوچون تورک شیرکت‌لری ایله آنلاشما باغلادیق. بو پروژه ایله ایلک دفعه قیسا مدت عرضینده کیفیت‌لی بینا‌لار تیکیله‌رک خالقین ایستیفاده‌سینه تقدیم اولوندو. سؤزقونوسو بینا ساکین‌لری بو قورولوش‌لاردان اولدوقجا ممنونام." ایفاده‌لرینی ایستیفاده ائتدی.

بعضی تورک تیکینتی شیرکت‌لری یاشاییش منطقه‌لری خاریجینده اوتوبان تیکینتی‌سی اوچون موذاکیره ائتدیک‌لرینی دیله گتیرن پیرلورن، مرند- تبریز-بازرگان آراسین‌داکی اوتوبان پروژه‌سی‌نین ده بو گؤروشمه‌لرده موذاکیره اولوندوغونو بیلدیردی.

پیرلورن، تورک شیرکت‌لری ایله امکداش‌لیق ائتمگین مدنی و تاریخی سبب‌لردن داها آسان و داها اویغون اولدوغونو بیلدیریب.

اؤلکه‌نین پردس شهرینده یئرلشن اوتوبانین بؤیوک بیر قیسمی‌نین تورک، جنوبی کوره و ایسپانیا شیرکت‌لری طرفین‌دن ائدیلدیگینی خاطیرلا‌دان پیرلورن،

پروژه نین بؤیوک بیر قیسمی تورک شیرکتی طرفین‌دن حیاتا کئچیریلدی و قیسا مدت ایچری‌سینده تسلیم ائدیلدی" دئدی.

ایرانین تورک شیرکت‌لری‌نین قابیلیت‌لری موضوعسوندا معلومات صاحبی اولدوغونو وورغولایان پیرلورن، اؤلکه‌سی‌نین تورک تیکینتی شیرکت‌لری‌نین ایرانا فعالیت گؤسترمه‌سی اوچون لازیم اولان حاضیرلیق‌لاری باشا ووردوق‌لارینی بیلدیردی.

پیرلورن بون‌دان علاوه، سؤزقونوسو پروژه‌لرین ایکی اؤلکه آراسین‌داکی موناسیبت‌لری داها دا درینلشدیره جگینی سؤزلرینه علاوه ائدیب.



ایلگیلی‌لی خبرلر