ایران: اعدام ائدیله‌بیلیرلر

"شبهه‌لیلر، فساد سوچلاناراق اعداما محکوم ائدیله‌جک"

ایران: اعدام ائدیله‌بیلیرلر

اقتصادی بحرانلا بوغوشان ایراندا احتکار ائد‌نلرین اعدام جزاسینا محکوم ائدیله‌بیله‌جگی اویاریسی وئریلدی.

ایران وکیللر بیرلیگی یؤنتیم قورولو عضوو مهدی حجتی، ارزده‌کی یوکسلیشی فرصت بیلیب احتکار ائد‌نلرین اؤلومه محکوم ائدیله‌بیله‌جی اویاریسی ائتدی.

حجتی، اقتصادی بحران شرایطین‌ده احتکار ائتدیکلری سببی ایله حاقلاریندا سوروشدورما آچیلان شخصلرله باغلی مطبوعاتا آچیقلاما وئردی.

مصرف ائدنلری احتکار ائدنلره قارشی قوروماق اوچون لاز‌م اولان قانونلارین چیخاردیلدیغینی بیلدیر‌ن حجتی، محتکرلرین ۵ ایلد‌ن ۲۰ ایله قدر حبس جزالاری ایله یاریلاناجاغینی بیلدیردی.

حجتی، محتکرلرین اعداملا دا یارغیلانابیله‌جگی اویاریسی ائد‌رک،

"اگر ارزاق و یا اساس احتیاج ماده‌لرینین احتکاری دؤولته ضربه وورماق مقصدیله اولورسا شبهه‌لیلر، فساد سوچلاناراق اعداما محکوم ائدیله‌جک" دئدی.

ایران‌دا ارزده‌کی آشیری آرتیش و اقتصاد‌دا آمریکا تحریملرینین میدانا گتیردیگی منفی هاوا سونراسی اصناف، داها اول ساتین آلدیقلاری ماللاری آنبارلاردا گیزله‌ده‌رک قیمتلرین یوکسلمه‌سینه سبب اولموشدو.

تهرانلا یاناشی، تبریز و ری شهرلرین‌ده، ایچین‌ده ساغلیق، ارزاق و تمیزلیک محصوللارینین اولدوغو بیر چوخ آنبار آشکار ائدیلمیش، گوونلیک گوج‌لری بو ماللارا ال قویارکن سوروملولار حاقین‌دا عدلی ایشلم باشلادیلمیشدی.



ایلگیلی‌لی خبرلر