سوریه ده اسد رژیمی و روسیانین، ایدلیب هاوا سالدیری‌لاریندا 17 نفر یارالانیب

یئرلی منبع‌لردن آلینان معلوماتا گؤره، روسیا و اسد رژیمینه عایید سالدیری اوچاق‌لاری ایله رژیمین هلیکوپتر‌لری، صاباح ساعاتلاریندان‌ اعتباراً ایدلیبین جنوبون‌داکی، بؤلگه‌لری هاوا سالدیریلاری ایله وورور

سوریه ده اسد رژیمی و روسیانین، ایدلیب هاوا سالدیری‌لاریندا 17 نفر یارالانیب

سوریه ده بشار اسد رژیمی و روسیانین، اؤلکه‌نین شمال-غربین‌دکی ایدلیب و مرکزی بؤلوملرین‌دکی حما ایالتلرینده تشکیل ائتدیگی هاوا سالدیری‌لاریندا 17 نفر یارالانیب.

یئرلی منبع‌لردن آلینان معلوماتا گؤره، روسیا و اسد رژیمینه عایید سالدیری اوچاق‌لاری ایله رژیمین هلیکوپتر‌لری، صاباح ساعاتلاریندان‌ اعتباراً ایدلیبین جنوبون‌داکی، بؤلگه‌لری هاوا سالدیریلاری ایله وورور.

سالدیری‌لاردا 17 نفر یارالانیب.

بو اینسان‌لار آراسیندا جرجناز محلینده بیر مکتبه ائدیلن هاوا سالدیریسیندا یارا‌لانان 2 اوشاق دا وار.

سیویل ساوونما (آغ بؤرکلر) مودیری مصطفی حاج یوسیف،

سحر ساعاتلاریندان‌ بو یانا تشکیل ائدیلن هاوا سالدیری‌لاریندا اکثریتی قادین و اوشاق 17 سیویل وطنداش یارالانیب." دئدی.

موخالیف‌لره عایید اوچاق رصدخانا مقاملاری، سالدیری‌لارا دایر سوسیال مئدیا‌دان ائتدیک‌لری پایلاشیمدا،

حمیمیم نیظامی پایگاهین‌دان قالخان روسیایا عاییدسالدیری اوچاق‌لاری و اسد رژیمی سالدیری اوچاق‌لاری ایله هلیکوپترلری، حما و ایدلیبین جنوبون‌داکی سیویل مرکز‌لره و موخالیف‌لرین جبهه خط‌لرینه هاوا سالدیری‌لاری تشکیل ائتدی. جرجناز محلین‌دکی مکتبی اسد رژیمینه باغلی سالدیری اوچاق‌لاری ووردو." ایفاده‌لرینی ایستیفاده ائتدی.

سالدیری اوچاق‌لاری و هلیکوپترین هاوا سالدیری‌لاری داوام ائدیر.

سیویل ساوونما منبع‌لرینه گؤره، بو آیین اوّلین‌دن اعتباراً ایدلیبین غربی، جنوب-غربی و حمانین شمالینا کئچیریلن هاوا و قارا سالدیری‌لاریندا 29 نفر اؤلدو. ان آز 71 نفر یارالانیب.

سؤز قونوسو مدتده، حمانین شمالین‌دان کفرزیتا محلینده بیر سیویل ساوونما مرکزی ایله بیر کندین‌دکی یئر آلتی خسته‌خاناسی و حما کندین‌دکی بیر خسته‌خانا، تشکیل اولونان هاوا سالدیریسندا خیدمت وئره مز حاله گلدی.

سوریه نین شمال-غربینده، عسگری موخالیف‌لر و رژیم علیهینه سیلاح‌لی قروپلاشما‌لارین نظارتین‌دکی ایدلیب و اطرافین‌داکی بعضی برلگه لرین 4-5 می 2017دکی آستانا توپلانتی‌سیندا "گرگین‌لیگی آزالتما بؤلگه‌سی" اعلان ائدیلمه‌سینه قارشی رژیم و زامان زامان روسیا، بؤلگه‌یه هاوا سالدیری‌لاری تشکیل ائتمه‌یه داوام ائدیر.



ایلگیلی‌لی خبرلر