روسیا، ایران و تورکیه دو‌لاردان ایمتینا ائده‌جک

تورکیه، روسیا و ایران یئرلی پول ایله تیجارت ائده‌جک‌لر.

روسیا، ایران و تورکیه دو‌لاردان ایمتینا ائده‌جک

ایران مرکزی بانکی‌نین رهبری عبدالناصر همتی تورکیه، روسیا و ایرانین تیجارتی یئرلی پول واحیدلری ایله آپارماق مسئله‌سینده راضی‌لیق الده ائتدویک‌لرینی سؤیله‌دی.

همتی مطبوعاتا وئردیگی آچیقلامادا یاخین گله‌جکده تورکیه و روسیا مرکزی بانک‌لاری‌نین رهبرلری ایله بیر آرایا گله‌جک‌لرینی و راضی‌لاش‌دیریلان مقام‌لارین سرعت ایله حیاتا کئچیریله جگینه اومید ائتدیک‌لرینی ایفاده ائتدی.

ایرانین پایتاختی تهران-دا کئچیریلن سوریه موضوع لو ذیروه‌ده تورکیه پرزیدنتی رجب طیب اردوغانین و روسیانین دؤولت باشچی‌سی ولادیمیر پوتی‌نین ایشتیراکی ایله ثمره‌لی گؤروش‌لر کئچیردیک‌لرینی بیل‌دیرن عبدالناصر همتی نفت، گاز و اساس محصول‌لارین موبادیله‌سی و بانک مسئله‌لرینده راضی‌لیق الده اولوندوغونو قئید ائتدی.

همتی 3 اؤلکه‌نین ده تیجارتده دو‌لاردان ایمتینا مسئله‌سینده همفیکیر اولدوغونو، تورکیه، روسیا و ایرانین اؤز واحید پول لاری ایله تیجارت ائدجگینی و عملیات‌لارین معین اولونان مزننه اوزریندن آپاریلاجاغینی وورغولادی.



ایلگیلی‌لی خبرلر