ایران، اربیل‌ده‌کی دموکرات حزبی کمپینی ووردو
مصطفی مولودی‌نین ده آرالارین‌دا اولدوغو ۳۰ نفر یارالاندی
ایران گوجلرینین، عراق کورد بؤلگه‌سل یؤنئتیمینین اربیل شهرین‌ده فعالیت گؤسترهن ایران کوردوستان دموکرات پارتیسینه عاید بیر کمپه تشکیل ائتدیگی سالدیریدا ۹ نفر اؤلدو، ۳۰ نفر یارالاندی.
یئرلی مئدیادا یئر آلان خبرلره گؤره، اربیل شهرینه باغلی کوی‌سانجاق ائلچه‌سینده دموکرات پارتی کمپینه، توپلانتی زامانی موشک سالدیریسی تشکیل اولوندو.
سالدیریدا، پارتینین حربی قانادین‌دان ۹ نفر اؤلدو، یوکسک سویه‌لی یئتکیلیلردن مصطفی مولودی‌نین ده آرالارین‌دا اولدوغو ۳۰ نفر یارالاندی.
حزب‌دن وئریلن آچیقلامادا دا بو سالدیری اونایلاندی.
سالدیری نتیجه‌سین‌ده اؤلو و یارالیلارین اولدوغو معلوماتی پایلاشیلدی آنجاق، سایی بیلدیرمه‌دی.
آچیقلامادا، ایرانا عاید اینسان‌سیز هاوا آراج‌لاری بؤلگه‌ده کشفیات اوچوشو ائتدیک‌دن سونرا سؤزوگئدن دوشرگه‌یه آغیر بیر سالدیری ائتدیلدیگی ادعا ائدیلدی.
ایران طرفین‌دن مسئله ایله باغلی هله‌لیک بیر آچیقلاما گلمه‌دی.
ایرانا مخالیف حزب، ۱۹۹۶دان بو یانا اربیل شهرین‌ده‌کی دوشرگه‌لرده فعالیت گؤستریر.
او تاریخ‌دن بو یانا ایرانین ایلک دفعه بو بؤیوکلوک‌ده بیر سالدیری حیاتا گئچیردیگی بیلدیریلیر.
ایران اینقیلاب محافظلری اوردوسون‌دان وئریلن یازی‌لی آچیقلامادا دا اؤلکه‌نین باتیسین‌دا کوردوستان ایالتینه باغلی مریوان شهرین‌ده، ترور هؤرگوتو پژاکا قارشی دونن آخشام ساعاتلارین‌دا عملیات ائدیلدیگی بیلدیریلدی.
عملیات‌دا ۶ هؤرگوت عضوونون اؤلدورولدویو بیلدیریلدی.
