ایران مئدیاسین‌دان تورک خالقینا تعریف

ایران مئدیاسی، آمریکانین تورکیه ایقتیصادینی هدف آلان تلاشلارینا قارشی تورک خالقی‌نین قرارلی دوروشونا تعریفده اولان خبرلره یئر وئریب

1033617
ایران مئدیاسین‌دان تورک خالقینا تعریف

ایران مئدیاسی، آمریکانین تورکیه ایقتیصادینی هدف آلان تلاشلارینا قارشی تورک خالقی‌نین قرارلی دوروشونا تعریفده اولان خبرلره یئر وئریب.

ایرانین ان چوخ اوخونان خبر سایتلاریندان‌ "تابناک دا یایینلانان یازیدا، تورک خالقی‌نین و تورک صنغتکارلاری‌نین، آمریکانین ایقتیصادی هدف آلان تلاشلارینا قارشی تورکیه لیره‌نین قورونماسی ایستیقامتینده اورتایا قویدوغو موضع یه ایشاره ائدیله‌رک، اؤلکه‌نین موختلیف شهرلرینده خالقین دو‌لار خیردالاما کامپانیاسینا چوخ شکیلده دستک وئردیگی قئید اولونوب.

مصطفی نجفی‌نین ایمضاسی ایله یایینلانان یازیدا، تورک خالقی‌نین دولت و حکومتینه صاحب چیخدیغی و اؤلکه‌ده آمریکانین بیرطرف‌لی تحریم‌لرینه باخمایا‌راق ایقتیصادی‌نین گله جگی باره‌ده نیکبین بیر هاوا اولدوغو معلوماتی اوخوجولارا چاتدیریلیب.

همشهری قزئتی ده موضوع ایله علاقه‌دار نشر ائتدیگی قیمتلندیرمه‌ده، تورک خالقی‌نین آمریکا تحریم‌لری قارشی‌سیندا دولتین یانیندا یئر آلدیغی و خالقین، اؤلکه‌ده باشلانیلان دو‌لار خیردالاما کامپانیاسینا چوخلو شکیلده قاتیلدیغینی وورغولاییب.

ایران‌لی ژورنالیست و سوسیولوق امین بزرگیان ایسه، سوسیال مئدیا حسابین‌دان پایلاشدیغی مساژیندا تورک خالقی‌نین میللی پول واحیدینه صاحب چیخماسینا تعریفده اولا‌راق، "تورک‌لر، میللی همرای‌لیک ایچری‌سینده. بو همرای‌لیک فرانسا‌داکی تورک‌لر آراسیندا دا گؤرونور. فرق‌لی سیاسی مؤقعلرده اولسا‌لار بئله اؤز هموطن‌لرینه ایش تاپماق اوچون کؤمک ائدیرلر." ایفاده‌لرینه یئر وئریب.

ایران‌لی ژورنالیست علی رضا اردبیلی ده سوسیال مئدیا مساژیندا، سابانجی هولدینگ ین ایداره هیاتی‌نین صدری گولر سابانجی خزینه و مالیه ناظیری برات آلبایراک طرفین‌دن تقدیماتی کئچیریلن یئنی ایقتیصادی مودئلینه دستگینی ایفاده ائتمه‌سینی خاطیرلادا‌راق، "من ده آلبایراک و قابیلیتینه اینانیرام. تلکونفرانس یولو ایله حیاتا کئچیریله‌جک اولان توپلانتییا مین نفر قوشولا‌جاقدی، حاضیردا 3 مین نفر کونفرانس اوچون قئیدیاتا آلینیب." ایفاده‌لرینی ایستیفاده ائتدی.

رفورمیست اعتماد قزئتی‌نین یازاری سارا معصومی ایسه سوسیال مئدیا‌دان تورک خالقی‌نین موضع سینه تعریفده اولا‌راق، "تورک خالقی، دو‌لار قارشی‌سیندا تورک لیره‌سینی قوروماق اوچون خاریجی پول بورولاری قارشی‌سیندا ساعات‌لارلا گؤزله‌دی. بو وضعیته اوخشار بیر حال دا سعودی عربیستانی‌نین قطری محاصیره ائتمه‌سی اثناسیندا گؤرولموشدو." دئیه یازدی.



ایلگیلی‌لی خبرلر