اردوغان، پوتین و روحانی یئنی‌دن گؤروشه‌جک‌لر
روسیا پرزیدنتی‌نین کؤمکچی‌سی یوری اوشاکوف روسیانین دؤولت باشچی‌سی ولادیمیر پوتین، تورکیه پرزیدنتی رجب طیب اردوغان و ایران پرزیدنتی حسن روحانی آراسیندا مومکون گؤروشون گوندمده اولدوغونو، لاکین گؤروش تاریخی‌نین دقیقلشدیریلمه‌دیگینی بیلدیردی.
1016087
روسیا پرزیدنتی‌نین کؤمکچی‌سی یوری اوشاکوف روسیا مطبوعاتینا موصاحیبه وئررکن روسیانین دؤولت باشچی‌سی ولادیمیر پوتین، تورکیه پرزیدنتی رجب طیب اردوغان و ایران پرزیدنتی حسن روحانی آراسیندا سپتامبر آییندا یئنی اوچ طرف‌لی گؤروشون کئچیریلمه‌سی احتیمالینا دایر سوالا جاواب وئردی.
اوشاکوف: "گؤروش تاریخی دقیقلشدیریلمه‌ییب، لاکین مسئله هله ده گوندمده‌دیر. لیدرلر بئله بیر احتیمال‌دان دانیشدی‌لار و هامیسی بونا مثبت یاناشیر" دئدی.
آستانا دانیشیق‌لاری‌نین ضمانتچی اؤلکه‌لری اولان روسیا، تورکیه و ایرانین لیدرلری آنکارادا گؤروشه‌رک سوریه مسئله‌سینی موذاکیره ائتمیشدی‌لر.
روسیا پرزیدنتی‌نین سوریه عذره خصوصی نماینده‌سی آلکساندر لاورنتیف روسیا، تورکیه و ایران لیدرلری‌نین نوبتی گؤروشونون آوقوستون سونوندا، یاخود سپتامبر آییندا کئچیریله بیله جگینی سؤیله میشدی.
