سعودی عربیستان‌دان، ایرانا اعتراض نوتاسی

ریاض حکومتی، ایرانین، بصره کؤرفزینده سعودی عربیستانینا مخصوص سو مرزلرینده نفت پلاتفورم‌لاری‌نین اولدوغو یاساق‌لی بؤلگه‌لری "پوزماسی" سببین‌دن اعتراض نوتاسی وئریب

سعودی عربیستان‌دان، ایرانا اعتراض نوتاسی

سعودی عربیستان‌دان، "بصره کؤرفزینده سو مرزلرینی پوزان ایران" حاقیندا، بیرلشمیش میللت‌لر تشکیلاتی‌نین (بمت) عمومی قورولوندا اعتراض نوتاسی...

سعودی عربیستانی رسمی خبر آژانسی ایسپا-نین خبرینه گؤره، ریاض حکومتی، ایرانین، بصره کؤرفزینده سعودی عربیستانینا مخصوص سو مرزلرینده نفت پلاتفورم‌لاری‌نین اولدوغو یاساق‌لی بؤلگه‌لری "پوزماسی" سببین‌دن اعتراض نوتاسی وئریب.

سعودی عربیستان، ایران‌دان، ایکی اؤلکه آراسیندا 1968-جی ایلده ایمضا‌لانان موقاویله اساسیندا معین‌لش‌دیرن دنیز سرحدینه قارشی پوزونتولارینا سون وئرمه‌سینی ده ایسته‌دی.

سعودی عربیستانی بمت دایمی نماینده‌سی عبدالله بن یحیی المعلم، ایران حکومتینه و بمت-نین باش کاتیبی آنتونیو گوترزه تقدیم اولونان اعتراض نوتا‌لارینا باخمایا‌راق ایرانا عایید گمی‌لرین، پوزونتولارینی سوردوردوکلرینه دیقت چکدی.

سعودی عربیستاندا مسئول اورقان‌لارین بو پوزونتولار قارشی‌سیندا لازیم اولان تدبیرلری گؤردوگونو قئید ائدن معلمی، "بو پوزونتولار نتیجه‌سینده اورتایا چیخا‌جاق هر هانسی بیر ضررین بوتون مسئولیتی‌نین تهران رهبرلیگینه عایید اولدوغونو" وورغولاییب.

ایران‌دان مسئله ایله باغلی هله کی، بیر آچیقلاما ائدیلمه‌ییب.



ایلگیلی‌لی خبرلر