ساواش اوشاقلاری وورور

"بوتون بونلار، سوریه‌ ده اوشاقلار اوزرین‌ده‌کی ساواشین سونا چاتماغا چوخ اوزاق اولدوغونو بیزه خاطیرلادان اوزوجو ایشاره‌لر"

ساواش اوشاقلاری وورور

سوریه‌نین ادلب شهرینه سون دؤرد گونده ائدیلن سالدیریلاردا ان آز ۱۳ اوشاق یاشامینی ایتیردی.

بیرلشمیش میلتلر اوشاقلارا یاردیم فوندو (یونیسف)، "سوریه‌ده ادلب گرگینلیگی آزالتما بؤلگه‌سی" سرحدلری ایچین‌ده‌کی دینج یاشاییش یئرلرینه، اؤتن جمعه گونون‌دن بو یانا ائدیلن سالدیریلاردا ان آز ۱۳ اوشاغین اؤلدوگونو دویوردو.

یونیسف اورتادوغو و قوزئی آفریقا بؤۀگه مودورو گیرت کاپیللاری، وئردیگی یازی‌لی آچیقلامادا، ادلبین قوزئیینده‌کی زردنه کندینه تشکیل اولونان سالدیری‌دا ۹ اوشاغین حیاتینی ایتیردیگینی بیلدیردی.

ادلبین، اؤلکه‌نین بیر چوخ بؤلگه‌سین‌دن یئرین‌دن ائدیلمیش تخمیناً ۱ میلیون اوشاغا ائو صاحب‌لیگی ائتدیگینی خاطیرلادان کاپیللاری، عائله‌لرین گئده‌جک باشقا بیر یئر تاپمادیغی اوچون مجبورا توپلو باریناراقلارا و اوخوللارا سیغینماق مجبوریتین‌ده قالدیغینی وورغولادی.

کاپیللاری، ادلبین محاصره آلتین‌داکی فوعه ایله کفریا بؤلگه‌لرین‌ده ده اؤزلرینه گلن بیلگیلره گؤره ۴ اوشاغین اؤلدویونو بیلدیره‌رک،

"بوتون بونلار، سوریه‌ ده اوشاقلار اوزرین‌ده‌کی ساواشین سونا چاتماغا چوخ اوزاق اولدوغونو بیزه خاطیرلادان اوزوجو ایشاره‌لر" دئدی.

کاپیللاری، آیریجا سوریه ایچ ساواشینین باشلادیغی ۲۰۱۱.جی ایلدن بو یانا تخمیناً ۶ میلیون اوشاغین یئرین‌دن ائدیلدیگینی سؤیله‌دی.

اؤته یاندان، سون دؤرد گونده ادلبده هاوا سالدیریلارین‌دا ان آز ۶۳ وطنداش حیاتینی ایتیردی، ۱۰۰دن چوخ وطنداش یارالاندی.



ایلگیلی‌لی خبرلر